India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 2, 2024
ఇవాళ వరుస మీటింగ్స్‌తో మోదీ బిజీ
ఎన్నికలు ముగియడంతో PM మోదీ పాలనపై దృష్టిసారించారు. ఇవాళ మంత్రులు, అధికారులతో వరుస సమావేశాల్లో పాల్గొననున్నారు. తొలుత బెంగాల్‌లో రెమాల్ తుఫాను ప్రభావంపై సమీక్షిస్తారు. ఆ తర్వాత దేశంలో వడగాలులు, ప్రపంచ పర్యావరణ దినోత్సవ(జూన్ 5) సన్నాహాలు, ప్రభుత్వ 100 రోజుల కార్యక్రమాలపై రివ్యూ చేస్తారు. కొత్త ప్రభుత్వంలో తీసుకోవాల్సిన నిర్ణయాలు, అరుణాచల్, సిక్కిం అసెంబ్లీ ఫలితాలపై ఆరా తీస్తారు.
News June 2, 2024
కఠిన సమయాల్లో పారిపోను.. ఎదుర్కొంటా: హార్దిక్ పాండ్య
IPLలో కెప్టెన్‌గా, ప్లేయర్‌గా పేలవ ప్రదర్శనపై హార్దిక్ పాండ్య స్పందించారు. T20WC ప్రాక్టీస్ మ్యాచ్‌లో బంగ్లాదేశ్‌పై గెలిచిన తర్వాత ఆయన మాట్లాడారు. ‘మనం ఎప్పుడూ యుద్ధం చేస్తూనే ఉండాలి. సాధించిన విజయాలను నేను సీరియస్‌గా తీసుకోను. వెంటనే మర్చిపోయి ముందుకెళ్తాను. అలాగే కఠిన పరిస్థితుల్లో పారిపోను. తలఎత్తుకుని వాటిని ఎదుర్కొంటాను. నా దృష్టి ఎప్పుడూ ఆటపైనే ఉంటుంది’ అని పేర్కొన్నారు.
News June 2, 2024
రాష్ట్ర ఏర్పాటులో వారి పాత్రలు ప్రముఖం: రేవంత్
తెలంగాణ ఏర్పాటులో సోనియా గాంధీ, మీరా కుమార్, సుష్మా స్వరాజ్‌ పాత్రలు ప్రముఖమైనవని దశాబ్ది ఉత్సవాల సందర్భంగా సీఎం రేవంత్ రెడ్డి అన్నారు. ‘రాష్ట్రం ఏర్పడిందంటే మొట్టమొదటి త్యాగం అప్పటి UPA ఛైర్‌పర్సన్ సోనియా గాంధీది. లోక్‌సభ స్పీకర్‌గా మీరాకుమార్ సహకారం అందించారు. అప్పటి బీజేపీ నాయకురాలు సుష్మాస్వరాజ్ లోక్‌సభలో సంపూర్ణ మద్దతు ఇచ్చి తెలంగాణ బిల్లు ఆమోదింపజేశారు’ అని రేవంత్ వివరించారు.
News June 2, 2024
ఎల్లుండి వైన్ షాపులు బంద్
TG: ఎన్నికల కౌంటింగ్ సందర్భంగా ఈ నెల 4న రాష్ట్రంలో మద్యం షాపులు మూసివేయనున్నారు. 4న ఉదయం 6 గంటల నుంచి 5న ఉదయం 6 గంటల వరకు వైన్స్ బంద్ కానున్నాయి. ఈ మేరకు అధికారుల నుంచి ఉత్తర్వులు వెలువడ్డాయి. మరోవైపు ఏపీలో కూడా ఎన్నికల కౌంటింగ్ సందర్భంగా ఈ నెల 3, 4, 5 తేదీల్లో మద్యం దుకాణాలు మూతపడనున్నాయి. అన్ని పోలింగ్ కేంద్రాల వద్ద 144 సెక్షన్ విధించనున్నారు.
News June 2, 2024
సర్వజ్ఞానులం అనే భ్రమలు మాకు లేవు: రేవంత్
TG: తమ పాలనలో తప్పులు జరిగితే సరిదిద్దుకోవడానికి సిద్ధంగా ఉన్నామని సీఎం రేవంత్ రెడ్డి తెలిపారు. ‘సర్వజ్ఞానులం అనే భ్రమలు మాకు లేవు. అందరి సలహాలు స్వీకరించి, చర్చించి ముందుకెళ్తాం. ప్రతిపక్షాలకు గౌరవం ఇచ్చాం. మా నిర్ణయాలు, లోటుపాట్ల సమీక్షకు అవకాశమిస్తున్నాం. పదేళ్ల పాలనలో వందేళ్ల విధ్వంసం జరిగింది. ప్రజల సంపద గుప్పెడు మంది చేతుల్లోకి వెళ్లింది’ అని రేవంత్ వివరించారు.
News June 2, 2024
ప్రజలందరికీ సంక్షేమ పథకాలు అందిస్తాం: రేవంత్
TG: ఆరు గ్యారంటీల కోసం 1.28 కోట్ల దరఖాస్తులు వచ్చినట్లు CM రేవంత్ రెడ్డి తెలిపారు. ఇందులో డూప్లికేట్ అప్లికేషన్లు మినహాయించగా 1.9 కోట్ల దరఖాస్తులు మిగిలినట్లు చెప్పారు. వాటిని కంప్యూటరీకరించి, ప్రజలందరికీ సంక్షేమ పథకాలను అందుబాటులోకి తేవాలని కృషి చేస్తున్నట్లు చెప్పారు. 70 రోజుల్లోనే 30 వేల మందికి ఉద్యోగ నియామక పత్రాలు, 11,062 పోస్టులకు మెగా డీఎస్సీ నోటిఫికేషన్ ఇచ్చామన్నారు.
News June 2, 2024
తెలంగాణతో సోనియాది పేగుబంధం: రేవంత్
TG: తెలంగాణ ప్రజల కలలను సాకారం చేసిన సోనియా గాంధీ, మన్మోహన్‌కు ప్రత్యేక కృతజ్ఞతలు తెలుపుతున్నట్లు సీఎం రేవంత్ అన్నారు. తెలంగాణతో సోనియాది పేగు బంధం అని తెలిపారు. ‘దశాబ్ది ఉత్సవాలకు సోనియాను ఎందుకు ఆహ్వానించారని కొందరు ప్రశ్నిస్తున్నారు. కానీ తల్లిని పిలవడానికి ఎవరి అనుమతి అవసరం లేదు. ప్రపంచంతో నా తెలంగాణ పోటీ పడుతోంది. ప్రపంచ పటంలోనే హైదరాబాద్‌ను ప్రత్యేకంగా నిలపబోతున్నాం’ అని ఆయన పేర్కొన్నారు.
News June 2, 2024
ఇతర దేశాలకు ఆడుతున్న భారత సంతతి ప్లేయర్లు వీరే!
టీ20 వరల్డ్ కప్‌లో చాలా మంది భారత సంతతి ఆటగాళ్లు వివిధ దేశాలకు ప్రాతినిధ్యం వహిస్తున్నారు. వారిలో రచిన్ రవీంద్ర (న్యూజిలాండ్), కేశవ్ మహారాజ్ (సౌతాఫ్రికా), తేజ (నెదర్లాండ్స్), కశ్యప్ ప్రజాపతి (ఒమన్), అల్ఫేశ్ రంజనీ, రోనక్ పటేల్ (ఉగాండా), రవీందర్, నిఖిల్, పర్గత్, శ్రేయస్ మొవ్వ (కెనడా), మోనాంక్ పటేల్, హర్మీత్ సింగ్, మిలింద్ కుమార్, నిసర్గ్ పటేల్, నితీశ్ కుమార్, సౌరభ్ నేత్రావాల్కర్ (USA) ఉన్నారు.
News June 2, 2024
ప్రజ్వల్ విచారణకు సహకరించడం లేదు: సిట్
తమ విచారణకు హాసన్ MP ప్రజ్వల్ రేవణ్ణ సహకరించడం లేదని సిట్ అధికారులు తెలిపారు. తామడిగిన ప్రశ్నలకు సరైన సమాధానాలు చెప్పడం లేదని పేర్కొన్నారు. ఆయన న్యాయవాది ద్వారా బదులిస్తానని చెప్పినట్లు తెలిపారు. కాగా ‘నేనేం తప్పు చేయలేదు. ఇది రాజకీయ కుట్ర. ఆ వీడియోల్లో ఉన్నది నేను కాదు. నేనెవరిపైనా అత్యాచారం చేయలేదు. నా ఫోన్ ఏడాది కిందటే పోయింది’ అని ప్రజ్వల్ జడ్జి ఎదుట వాంగ్మూలం ఇచ్చిన విషయం తెలిసిందే.
News June 2, 2024
TGRTC ఉద్యోగులకు పెరిగిన జీతాలు జమ
TG: 2017 PRC ప్రకారం 21 శాతం ఫిట్‌మెంట్‌తో RTC ఉద్యోగులకు పెరిగిన జీతాలు నిన్న ఖాతాల్లో జమ అయ్యాయి. దీంతో సిబ్బంది సంతోషం వ్యక్తం చేస్తున్నారు. కాగా ఈ వేతన సవరణతో ఒక్కో ఉద్యోగికి రూ.8వేల నుంచి రూ.11 వేల వరకు వేతనం పెరుగుతుందని గతంలో మంత్రి పొన్నం ప్రభాకర్ తెలిపారు. 50వేలకు పైగా సిబ్బందికి ప్రయోజనం చేకూరుతుందని చెప్పారు.
Featured News
Sorry, no posts matched your criteria.