India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 8, 2024
మరో బిజినెస్లోకి ముకేశ్ ఎంట్రీ
₹42 వేల కోట్లకు పైగా ఉన్న భారత స్నాక్ మార్కెట్ను ముకేశ్ అంబానీ టార్గెట్ చేశారు. ఇందులో ఎంట్రీకి తన సాఫ్ట్ డ్రింక్ ‘క్యాంపా’ తరహా స్ట్రాటజీ అమలు చేస్తున్నారట. దీని సేల్స్ కోసం డిస్ట్రిబ్యూటర్లకు కోకాకోలా, పెప్సికో లాంటి బ్రాండ్ల మార్జిన్ల కంటే భారీగా ఇచ్చింది. ఇలా స్నాక్స్లో కంపెనీలు సూపర్ స్టాకిస్టులకు 3-5%, డిస్ట్రిబ్యూటర్లకు 6-15% మార్జిన్ను 8, 20% మార్జిన్+ ఆఫర్లను RIL ఇవ్వనుందట.
News November 8, 2024
నేను పారిపోలేదు.. హైదరాబాద్లోనే ఉన్నా: కేటీఆర్
TG: అరెస్ట్ చేస్తారనే భయంతో తాను మలేషియా పారిపోయానంటూ వస్తున్న వార్తలపై బీఆర్ఎస్ వర్కింగ్ ప్రెసిడెంట్ కేటీఆర్ స్పందించారు. ‘నేనెక్కడికీ వెళ్లలేదు. హైదరాబాద్లోనే ఉన్నా. ఎవరైనా నా దగ్గరకు రావచ్చు. ఉస్మానియా బిస్కెట్లు, ఛాయ్ తాగి వెళ్లొచ్చు. ముఖ్యంగా రేవంత్ బర్త్ డే కేక్ తీసుకొచ్చినా కట్ చేస్తా. హ్యాపీ బర్త్ డే సీఎం రేవంత్’ అంటూ ఆయన ట్వీట్ చేశారు.
News November 8, 2024
BREAKING: భారీగా పెరిగిన బంగారం ధరలు
బులియన్ మార్కెట్లో బంగారం, వెండి ధరలు నిన్న <<14550455>>భారీగా తగ్గగా<<>>, ఇవాళ అదేస్థాయిలో పెరిగాయి. 24 క్యారెట్ల 10 గ్రాముల గోల్డ్ రేట్ రూ.910 పెరిగి రూ.79,470కి చేరింది. 22 క్యారెట్ల 10 గ్రా. పసిడి ధర రూ.850 పెరగడంతో రూ.72,850గా పలుకుతోంది. సిల్వర్ రేటు రూ.1,000 పెరిగి రూ.1,03,000కు చేరింది. తెలుగు రాష్ట్రాల్లోని ప్రధాన నగరాల్లో దాదాపు ఇవే రేట్లు ఉన్నాయి.
News November 8, 2024
ట్రంప్ను అభినందించిన రాహుల్
అమెరికా అధ్యక్షుడిగా రెండోసారి ఎన్నికైన డొనాల్డ్ ట్రంప్కు లోక్సభ ప్రతిపక్ష నేత రాహుల్ గాంధీ శుభాకాంక్షలు తెలిపారు. ‘తమ భవిష్యత్తు కోసం అమెరికా ప్రజలు మీపై విశ్వాసం ఉంచారు. భారత్ & అమెరికా ప్రజాస్వామ్య విలువలతో చారిత్రాత్మక స్నేహాన్ని పంచుకుంటాయి. మీ నాయకత్వంలో అన్ని రంగాల్లో పరస్పర సహకారాన్ని మరింత పెంచుకుంటాయని విశ్వసిస్తున్నాం’ అని రాహుల్ పేర్కొన్నారు.
News November 8, 2024
US అధ్యక్షుడి ప్రమాణస్వీకారానికి గ్యాప్.. ఎందుకంటే?
అమెరికా అధ్యక్షుడిగా జనవరి 20న ట్రంప్ ప్రమాణ స్వీకారం చేయనున్నారు. 20వ రాజ్యాంగ సవరణ ద్వారా గతంలో మార్చి 4గా ఉన్న ఈ తేదీని JAN 20కి మార్చారు. కాగా ఈ 2నెలలకు పైగా కాలంలో ప్రభుత్వ మార్పిడికి సంబంధించిన కార్యక్రమాలు జరుగుతాయి. మంత్రులు, కీలక స్థానాల్లో ఉండే వారిని ఖరారు చేసుకుంటారు. DEC 17న ఎలక్టోరల్ కాలేజీ కొత్త అధ్యక్షుడిని ఎన్నుకుంటుంది. JAN 6న ప్రతినిధుల సభ, సెనెట్ ట్రంప్ ఎన్నికను ఆమోదిస్తుంది.
News November 8, 2024
మీకు అండగా నేను ఉన్నా: జగన్
AP: దుర్మార్గ ఎల్లో మీడియా, దాని అనైతిక సోషల్ మీడియాతో యుద్ధం చేస్తున్నామని మాజీ సీఎం జగన్ ట్వీట్ చేశారు. దీనివల్ల తమపార్టీ సానుభూతిపరులపై తప్పుడు కేసులు, వేధింపులు, అక్రమ నిర్బంధాలు రోజూ జరుగుతున్నాయన్నారు. అలాంటి వారికి తాను అండగా ఉంటానని, ప్రతి యుద్ధంలో తోడుగా ఉంటానని చెప్పారు. చివరికి సత్యమే గెలుస్తుందని రాసుకొచ్చారు.
News November 8, 2024
OTTలోని వచ్చేసిన ‘వేట్టయన్’ మూవీ
రజినీకాంత్ నటించిన ‘వేట్టయన్’ మూవీ ఓటీటీలోకి వచ్చేసింది. అమెజాన్ ప్రైమ్లో అర్ధరాత్రి నుంచి స్ట్రీమింగ్ అవుతోంది. తెలుగు, తమిళ, కన్నడ, మలయాళ, హిందీ భాషల్లో అందుబాటులో ఉంది. జ్ఞానవేల్ డైరెక్ట్ చేసిన ఈ క్రైమ్ థ్రిల్లర్ మూవీ అక్టోబర్ 10న విడుదలై దాదాపు రూ.250 కోట్లు వసూలు చేసింది. అమితాబ్ బచ్చన్, మంజూ వారియర్, రానా తదితరులు కీలక పాత్రల్లో నటించారు.
News November 8, 2024
రేవంత్కు ప్రధాని మోదీ విషెస్
తెలంగాణ ముఖ్యమంత్రి రేవంత్ రెడ్డి పుట్టినరోజు సందర్భంగా ప్రధాని నరేంద్ర మోదీ శుభాకాంక్షలు తెలియజేశారు. ఆరోగ్యవంతమైన జీవితం లభించాలని దేవుడ్ని ప్రార్థిస్తున్నట్లు ట్వీట్ చేశారు. దీంతో ప్రధానికి సీఎం రేవంత్ ధన్యవాదాలు తెలిపారు. ‘ఇందిరమ్మ రాజ్యంతో ఇంటింటా వెలుగు నింపడానికి నిర్విరామ కృషి చేస్తున్న ప్రజా నాయకుడు రేవంత్ రెడ్డికి జన్మదిన శుభాకాంక్షలు’ అని టీపీసీసీ చీఫ్ మహేశ్ కుమార్ గౌడ్ ట్వీట్ చేశారు.
News November 8, 2024
అనుచిత ప్రవర్తన.. జోసెఫ్పై రెండు మ్యాచ్ల నిషేధం
కెప్టెన్ హోప్పై ఆగ్రహంతో మ్యాచ్ మధ్యలో <<14549882>>గ్రౌండ్ వీడిన<<>> విండీస్ బౌలర్ అల్జారీ జోసెఫ్పై ఆ దేశ క్రికెట్ బోర్డు మండిపడింది. అతనిపై రెండు మ్యాచ్ల నిషేధం విధించింది. తన ప్రవర్తనపై జోసెఫ్ విచారం వ్యక్తం చేశారు. కెప్టెన్కు, విండీస్ అభిమానులకు క్షమాపణలు చెప్పారు. ఇంగ్లండ్తో మూడో వన్డే నాలుగో ఓవర్లో ఫీల్డ్ ప్లేస్మెంట్ సరిగా లేదంటూ జోసెఫ్ గ్రౌండ్ నుంచి వెళ్లిపోవడం వివాదాస్పదమైన విషయం తెలిసిందే.
News November 8, 2024
DSC ఎంపికలో లోపాలు.. ఏడుగురు తొలగింపు
TG: DSC-2024లో ఎంపికైన ఏడుగురు హిందీ పండిట్లను ఖమ్మం జిల్లాలో తొలగించడం కలకలం రేపుతోంది. 1:3 నిష్పత్తిలో అర్హత సాధించిన వారిలో కొందరికి అర్హత లేదని ఫిర్యాదు అందగా, వెరిఫికేషన్లో క్లీన్చిట్ వచ్చింది. 20 రోజులు ఉద్యోగం కూడా చేశారు. దీన్ని సవాల్ చేస్తూ ఎంపిక కాని అభ్యర్థులు కలెక్టర్, డీఈవోకు ఫిర్యాదు చేయగా, డిగ్రీలో ప్రత్యేక సబ్జెక్టుగా హిందీ లేదని విచారణలో బయటపడింది. దీంతో వారిని తొలగించారు.
Featured News
Sorry, no posts matched your criteria.