News February 18, 2026

బంగాళదుంపతో బ్యూటిఫుల్ స్కిన్

బంగాళాదుంపలో బ్లీచింగ్ లక్షణాలు పిగ్మెంటేషన్, డార్క్ స్పాట్స్, డెడ్ స్కిన్ సెల్స్‌ను తొలగించడంలో సహాయపడతాయి. దీన్ని ఎలా వాడాలంటే..* బంగాళదుంప రసానికి తేనె కలిపి ముఖానికి అప్లై చేసి 20 నిమిషాల తర్వాత కడిగేస్తే ముఖం ప్రకాశవంతంగా మారుతుంది. * బంగాళదుంప రసానికి పెరుగు కలిపి ముఖానికి రాసి పావుగంట తర్వాత కడిగేయాలి. ఈ ప్యాక్ చర్మంపై ఉండే మలినాలను తొలగిస్తుంది.

News February 18, 2026

AIతో కొత్త మతాలు.. మిషనరీలు: హరారీ

దావోస్‌లో నిఖిల్ కామత్‌తో జరిగిన చర్చలో ప్రముఖ చరిత్రకారుడు యువల్ నోవా హరారీ మతంపై ఆసక్తికర వ్యాఖ్యలు చేశారు. భవిష్యత్తులో AI కొత్త మతాలను సృష్టించడమే కాకుండా, సొంత మిషనరీలను కూడా కలిగి ఉండొచ్చని అంచనా వేశారు. మతగ్రంథాల సారాంశాన్ని విశ్లేషించడంలో మనుషుల కంటే AI మెరుగ్గా ఉంటుందని తెలిపారు. భక్తుల ప్రశ్నలకు నేరుగా సమాధానమిస్తుందని పేర్కొన్నారు.

News February 18, 2026

నెదర్లాండ్స్‌తో మ్యాచ్.. భారత్ బ్యాటింగ్

T20WC: అహ్మదాబాద్‌లో నెదర్లాండ్స్‌తో నామమాత్రపు మ్యాచులో భారత్ టాస్ గెలిచి బ్యాటింగ్ ఎంచుకుంది. అక్షర్ స్థానంలో సుందర్, కుల్దీప్ స్థానంలో అర్ష్‌దీప్ సింగ్ జట్టులోకి వచ్చారు.

IND: అభిషేక్ శర్మ, ఇషాన్ కిషన్, తిలక్ వర్మ, సూర్య (C), హార్దిక్ పాండ్య, దూబే, రింకూ సింగ్, వాషింగ్టన్ సుందర్, అర్ష్‌దీప్, వరుణ్ చక్రవర్తి, బుమ్రా.

News February 18, 2026

టెలికమ్యూనికేషన్స్ కన్సల్టెంట్స్ ఇండియా లిమిటెడ్‌లో ఉద్యోగాలు

టెలికమ్యూనికేషన్స్ కన్సల్టెంట్స్ ఇండియా లిమిటెడ్‌(TCIL) 24 కాంట్రాక్ట్ పోస్టులను భర్తీ చేయనుంది. అర్హత గల అభ్యర్థులు ఫిబ్రవరి 21, 22 తేదీల్లో ఇంటర్వ్యూకు హాజరుకావచ్చు. పోస్టును బట్టి BE/BTech/MCA, MBA, BSc/BCom/BCA అర్హతతో పాటు పని అనుభవం ఉండాలి. వెబ్‌సైట్: https://www.tcil.net.in

News February 18, 2026

భూ రిజిస్ట్రేషన్ల అక్రమార్కుల్ని వదిలిపెట్టం: పొంగులేటి

TG: ధరణి పోర్టల్‌లోని వ్యవస్థీకృత లోపాల వల్లనే రిజిస్ట్రేషన్ల సొమ్ము స్వాహా సహా ఇతర అక్రమాలు జరిగాయని మంత్రి పొంగులేటి శ్రీనివాసరెడ్డి పేర్కొన్నారు. ‘గత పాలకుల కాలంలో అనుమానాస్పద భూముల రిజిస్ట్రేషన్ల లాగిన్ డిలీట్ చేశారు. వారి స్వార్థానికి చేసిన లోపాలతో రిజిస్ట్రేషన్ల సొమ్ము స్వాహాకు దారితీసింది. వారినెవరినీ వదిలిపెట్టం. కోడ్ ఆడిట్‌కు ఆదేశించాం. భవిష్యత్తులో లోపాలకు తావుండరాదు’ అని పేర్కొన్నారు.

News February 18, 2026

నమీబియాపై ఘన విజయం.. సూపర్-8కి పాక్

T20WC: నమీబియాపై పాకిస్థాన్ 102 రన్స్ తేడాతో ఘన విజయం సాధించింది. ఈ గెలుపుతో పాక్ సూపర్-8కి అర్హత సాధించింది. తొలుత బ్యాటింగ్ చేసిన పాక్.. 20 ఓవర్లలో 199/3 రన్స్ చేసింది. ఓపెనర్ ఫర్హాన్ సెంచరీ (58 బంతుల్లో 100)తో రాణించారు. అనంతరం నమీబియా 17.3 ఓవర్లలో 97 పరుగులకే ఆలౌటైంది. కాగా సూపర్-8లో పాకిస్థాన్.. న్యూజిలాండ్, ఇంగ్లండ్, శ్రీలంకలతో తలపడనుంది.

News February 18, 2026

‘అమ్మను బాగా చూసుకో’.. సోనూసూద్ ఉదారత!

గత రెండేళ్లుగా మంచానికే పరిమితమైన తన తల్లి శ్వాస తీసుకోవడానికి ఇబ్బంది పడుతోందని, ఆక్సిజన్ కాన్సంట్రేటర్ కొనే శక్తి లేదని ఓ నెటిజన్ చేసిన విన్నపానికి నటుడు సోనూసూద్ స్పందించారు. ఆక్సిజన్ యంత్రాన్ని నేరుగా వారి ఇంటికే పంపించి తన ఉదారతను చాటుకున్నారు. ‘తల్లిని బాగా చూసుకో’ అని ఆ యువతికి ధైర్యం చెప్పారు. కరోనా కష్టకాలం నుంచి సోనూసూద్ నిరంతరం సామాన్యులకు అండగా నిలుస్తూ రియల్ హీరో అనిపించుకుంటున్నారు.

News February 18, 2026

భారీగా పెరిగిన సిగరెట్ ధరలు

ITC సంస్థ సిగరెట్ ధరలను 19-41% పెంచింది. FEB 1 నుంచి <<18730084>>కొత్త<<>> ఎక్సైజ్ డ్యూటీస్, ట్యాక్స్‌లు అమలులోకి వచ్చిన నేపథ్యంలో ఈ నిర్ణయం తీసుకుంది. దీంతో గోల్డ్ ఫ్లేక్, క్లాసిక్ కనెక్ట్, క్లాసిక్ వంటి బ్రాండ్ల సిగరెట్ ధరలు పెరిగాయి. గోల్డ్ ఫ్లేక్ 10 సిగరెట్ల ప్యాక్ ధర ₹170 నుంచి ₹240కి చేరింది. 20 పీస్ క్లాసిక్ వేరియంట్ ప్యాక్ ₹340 నుంచి ₹480కి పెరిగింది. అలాగే సూపర్‌స్టార్ వాల్యూ ₹70 (10Pc)కి పెరిగింది.

News February 18, 2026

భారీగా పెరిగిన సిగరెట్ ధరలు

ITC సంస్థ సిగరెట్ ధరలను 19-41% పెంచింది. FEB 1 నుంచి <<18730084>>కొత్త<<>> ఎక్సైజ్ డ్యూటీస్, ట్యాక్స్‌లు అమలులోకి వచ్చిన నేపథ్యంలో ఈ నిర్ణయం తీసుకుంది. దీంతో గోల్డ్ ఫ్లేక్, క్లాసిక్ కనెక్ట్, క్లాసిక్ వంటి బ్రాండ్ల సిగరెట్ ధరలు పెరిగాయి. గోల్డ్ ఫ్లేక్ 10 సిగరెట్ల ప్యాక్ ధర ₹170 నుంచి ₹240కి చేరింది. 20 పీస్ క్లాసిక్ వేరియంట్ ప్యాక్ ₹340 నుంచి ₹480కి పెరిగింది. అలాగే సూపర్‌స్టార్ వాల్యూ ₹70 (10Pc)కి పెరిగింది.

News February 18, 2026

ఫాల్గుణ మాసం: ఏ దానంతో ఏ ఫలితం?

ఫాల్గుణ మాసంలో చేసే దానాలు అనంత పుణ్యఫలాలను ఇస్తాయని పండితులు చెబుతున్నారు. ‘ఈ మాసంలో గోదానం చేస్తే సకల పాపాలు తొలగి అష్టైశ్వర్యాలు కలుగుతాయి. పేదలకు అన్నదానం చేస్తే ఆకలి తీరి పుణ్యం దక్కుతుంది. వస్త్రదానంతో గోవిందుడి అనుగ్రహం లభిస్తుంది. పౌర్ణమి రోజు లింగ పురాణం దానం చేయడం వల్ల జ్ఞానోదయం కలిగి మోక్షం లభిస్తుందని శాస్త్ర వచనం. పర్వదినాల్లో చేసే దానధర్మాలు శాంతిని చేకూరుస్తాయి’ అంటున్నారు.