News February 4, 2025
పంచాయతీ ఎన్నికలు: రేపటి నుంచి ట్రైనింగ్

TG: పంచాయతీ ఎన్నికలపై రాష్ట్ర ప్రభుత్వం మరో ముందడుగు వేసింది. గ్రామ పంచాయతీ ఎన్నికలకు ట్రైనింగ్ ఇచ్చే మాస్టర్ ట్రైనర్లకు రేపటి నుంచి హైదరాబాద్లో శిక్షణ ప్రారంభమవనుంది. వీరి శిక్షణ ముగిసిన వెంటనే ఉపాధ్యాయులకు ట్రైనింగ్ ఇవ్వనున్నారు. కాగా ఈ నెల 15లోగా ఎన్నికల నోటిఫికేషన్ వస్తుందని సమాచారం. ఈ నెల చివరి వారం లేదా మార్చి మొదటివారంలో ఎన్నికలు జరపాలని రేవంత్ సర్కార్ యోచిస్తున్నట్లు తెలుస్తోంది.
Similar News
News February 16, 2025
మీ ఫోన్లో రేడియోషన్ ఎంతో తెలుసుకోండి

మనం వాడే మొబైల్ ఫోన్ల నుంచి రేడియేషన్ విడుదలవుతుంది. అయితే మన ఫోన్ ఎంత రేడియోషన్ విడుదల చేస్తుందనేది తెలియకపోవచ్చు. దీనిని SAR(స్పెసిఫిక్ అబ్జార్ప్షన్ రేటు) ద్వారా నిర్ణయించవచ్చు. మీ ఫోన్ డయల్ పాడ్లో *#07# ను ఎంటర్ చేయడం ద్వారా ఈ SAR తెలుసుకోవచ్చు. మన దేశంలో మొబైల్ ఫోన్ల నుంచి విడుదలయ్యే SAR లిమిట్ 1.6W/kg వరకు ఉంది.
ShareIt
News February 16, 2025
రేపు స్కూళ్లకు సెలవు.. ఎక్కడంటే?

TG: సూర్యాపేట జిల్లా చివ్వెంల(మ) పెద్దగట్టు శ్రీలింగమంతుల స్వామి జాతర నేపథ్యంలో నల్గొండ, సూర్యాపేట జిల్లాల్లోని స్కూళ్లకు విద్యాసంస్థలకు రేపు సెలవు ప్రకటించారు. సూర్యాపేట జిల్లా వ్యాప్తంగా స్కూళ్లు, కాలేజీలకు, నల్గొండ జిల్లాలో స్కూళ్లకు సెలవు ఇస్తూ ఆయా కలెక్టర్లు ప్రకటన చేశారు. మేడారం తర్వాత అతిపెద్ద జాతరగా పేరు గాంచిన పెద్దగట్టు జాతరకు 25 లక్షల మందికి పైగా భక్తులు పలు రాష్ట్రాల నుంచి తరలివస్తారు.
News February 16, 2025
మళ్లీ వస్తున్నాం: తెలుగులో Delhi Capitals ట్వీట్

IPL-2025లో Delhi Capitals 2 మ్యాచ్లు విశాఖపట్నంలో ఆడనుంది. ఈ నేపథ్యంలో ‘మళ్లీ వస్తున్నాం. వైజాగ్కు మాకు ప్రత్యేక అనుబంధం ఉంది’ అని తెలుగులో ట్వీట్ చేసింది. APలోని రాజాంకు చెందిన GMR గ్రూప్ అధినేత గ్రంధి మల్లికార్జునరావు కుమారుడే ఢిల్లీ జట్టు కోఓనర్ కిరణ్ కుమార్. ఆయన ప్రస్తుతం GMR ఎయిర్పోర్ట్స్కు కార్పొరేట్ ఛైర్మన్గా ఉన్నారు. సొంత రాష్ట్రంపై అభిమానంతో 2వ హోం వెన్యూగా వైజాగ్ను ఎంచుకున్నారు.