News July 22, 2024
పారిస్ ఒలింపిక్స్ మస్కట్ విశేషాలివే..
పారిస్ ఒలింపిక్స్‌లో మస్కట్ అందరి దృష్టిని ఆకర్షిస్తోంది. ఫ్రీజ్ అని పిలిచే ఈ మస్కట్ నీలి కళ్లతో అభిమానులను ఆకట్టుకుంటోంది. ఫ్రెంచి సంప్రదాయంలో భాగమైన ఫ్రీజియన్ క్యాప్ ఆధారంగా దీనిని రూపొందించారు. ఫ్రెంచ్ విప్లవం సమయంలో క్యాప్‌లను స్వేచ్ఛకు చిహ్నంగా వాడారు. ‘క్రీడలు అన్నింటిని మార్చగలవు’ అనే సూత్రంతోనే దీనిని రూపొందించారు. ఆటల్లో సమష్టితత్వాన్ని చాటేలా తయారు చేశారు.
Similar News
News December 5, 2024
అమ్మాయిలు అలాంటివాడినే ప్రేమిస్తున్నారు: షాహిద్
నేటి తరం అమ్మాయిలు కబీర్ సింగ్(తెలుగులో అర్జున్ రెడ్డి) వంటి అబ్బాయిల్నే ప్రేమిస్తున్నారని ఆ మూవీ హీరో షాహిద్ కపూర్ ఓ ఇంటర్వ్యూలో వ్యాఖ్యానించారు. ‘కబీర్ పాత్రని నేను కచ్చితంగా ఇష్టపడను. కానీ అలాంటి వారు సొసైటీలో ఉన్నారు. ఆ పాత్ర చేసే అనేక పనులు ఆమోదయోగ్యం కాదు. అయితే, చాలామంది అమ్మాయిలు అలాంటి వాళ్లను ప్రేమిస్తున్నారు. అందుకే ఆ సినిమా చేశాం. చూడాలా వద్దా అనేది ఆడియన్స్ ఇష్టం’ అని పేర్కొన్నారు.
News December 5, 2024
మిగ్‌లను కొనసాగించనున్న వాయుసేన
మిగ్-21 బైసన్ విమానాల్ని మరికొంత కాలం కొనసాగించాలని భారత వాయుసేన నిర్ణయించినట్లు తెలుస్తోంది. ‘ఎగిరే శవపేటికలు’గా పేరొందిన మిగ్‌లలో సమస్యల కారణంగా వందలాదిమంది పైలట్లు ప్రాణాలు కోల్పోయారు. వీటిని ఈ ఏడాది డిసెంబరుకల్లా తప్పించాలని కేంద్రం నిర్ణయించింది. అయితే వాటి స్థానంలో రావాల్సిన తేజస్ MK1A విమానాల తయారీ లేట్ కావడంతో మిగ్‌లను మరికొంతకాలం కొనసాగించనున్నట్లు రక్షణ వర్గాలు తెలిపాయి.
News December 5, 2024
UAN యాక్టివేషన్ గడువు పొడిగింపు
కేంద్రం తీసుకొచ్చిన ELI పథకం ప్ర‌యోజ‌నాల కోసం ఆధార్ అనుసంధాన UAN యాక్టివేషన్ గడువును EPFO పొడిగించింది. నవంబర్ 30తోనే డెడ్‌లైన్ ముగియగా దాన్ని డిసెంబర్ 15 వరకు పెంచింది. ఈ స్కీం ద్వారా ఉద్యోగుల‌కు 3 విడ‌త‌ల్లో రూ.15 వేల వరకు సాయం అందుతుంది. ఉద్యోగికి, యజమానికి ప్రోత్సాహకాలు, ప్రతి కొత్త ఉద్యోగికి EPFO వాటాగా యజమానులు చెల్లించేందుకు రెండేళ్లపాటు నెలకు రూ.3వేల వరకు కేంద్రం ఇస్తుంది.