News January 31, 2025
విమాన ప్రమాదం.. 40 మృతదేహాలు వెలికితీత
వాషింగ్టన్‌లోని రోనాల్డ్ రీగన్ ఎయిర్‌పోర్టు వద్ద ఆర్మీ హెలికాప్టర్ ఢీకొన్న ఘ‌ట‌న‌లో విమానంలో ఉన్న మొత్తం 67 మంది ప్ర‌యాణికులు మృతి చెందారు. ఇప్పటివరకు 40 మృతదేహాలు వెలికితీశారు. వీరిలో ఆర్మీ హెలికాప్టర్ సైనికుడి మృతదేహం కూడా ఉంది. మృతుల్లో అమెరికన్లతోపాటు కొందరు రష్యన్లు కూడా ఉన్నారు. పోటోమాక్ రివర్‌లో ఎమర్జెన్సీ రెస్పాన్స్ టీమ్స్ సహాయకచర్యలు కొనసాగిస్తున్నాయి.
Similar News
News January 31, 2025
అమెరికాలో ఆర్థిక ఇబ్బందుల్లో భారత విద్యార్థులు
ఎన్నో కలలతో అమెరికాలో అడుగుపెట్టిన భారత విద్యార్థులు ఆర్థికంగా కటకటలాడుతున్నారు. అక్కడ ఉండే భారీ ఫీజులు, ఖర్చుల్ని తట్టుకునేందుకు, ఇక్కడ చేసిన అప్పుల్ని తీర్చేందుకు భారీగా పార్ట్‌ టైమ్ జాబ్స్ చేసేవారు. కానీ ఇప్పుడు క్యాంపస్ బయట చేసే పార్ట్‌టైమ్‌ ఉద్యోగాలపై ట్రంప్ సర్కారు నిఘా వేయడంతో అవి మానేయక తప్పని పరిస్థితి. దీంతో డబ్బు కోసం పేరెంట్స్‌పైనే విద్యార్థులు ఆధారపడుతున్నారు.
News January 31, 2025
రాష్ట్రంలో GBS తొలి కేసు నమోదు
మహారాష్ట్రలో విజృంభిస్తున్న <<15225307>>గిలియన్ బార్ సిండ్రోమ్<<>> (GBS) తెలంగాణలో కలకలం రేపింది. సిద్దిపేట జిల్లాకు చెందిన ఓ మహిళలో ఈ సిండ్రోమ్ లక్షణాలు బయటపడ్డాయి. ప్రస్తుతం ఆమె HYD కిమ్స్ ఆస్పత్రిలో చికిత్స పొందుతున్నారు. బ్యాక్టీరియా, వైరల్ ఇన్ఫెక్షన్ కారణంగా రోగనిరోధక శక్తి తక్కువ ఉన్న వ్యక్తులు ఈ జీబీఎస్ బారిన పడే అవకాశాలుంటాయని వైద్యులు చెబుతున్నారు. అయితే ఇది అంటువ్యాధి కాదని, నయం చేయవచ్చని తెలిపారు.
News January 31, 2025
ఇందిరమ్మ ఇళ్లు.. మొదట వారికే!
TG: ఇందిరమ్మ ఇళ్ల దరఖాస్తులను మరోసారి పరిశీలించి లబ్ధిదారులను ఎంపిక చేయాలని అధికారులను హౌసింగ్ కార్పొరేషన్ ఆదేశించింది. అనర్హుల పేర్లను తొలగించాలని సూచించింది. దరఖాస్తులను 3 కేటగిరీలుగా (L1, L2, L3) విభజించింది. L1లోకి సొంత స్థలం ఉండి ఇళ్లు లేని వాళ్లు, L2లోకి స్థలం, ఇళ్లు రెండూ లేని వాళ్లు, L3లోకి అద్దె/రేకులు/పెంకుటిళ్లలో ఉన్నవారు వస్తారు. తొలి దశలో L1 కేటగిరీ వారికి ఇళ్లు వస్తాయని సమాచారం.