News November 27, 2024
మరో వినోద్ కాంబ్లీలా మారిన పృథ్వీషా?
టీమ్ ఇండియా క్రికెటర్ పృథ్వీ షా మరో వినోద్ కాంబ్లీలా మారిపోయారు. నెక్ట్స్ సచిన్ అని అందరూ అనుకుంటుండగానే పాతాళానికి పడిపోయారు. దేశవాళీ, భారత జట్టులో చోటు కోల్పోవడం, నిత్యం వివాదాలతో సహవాసం చేస్తుండటంతో ఫ్రాంచైజీలు అతడిపై ఆసక్తి చూపలేదు. ఆయనపై కనీసం రూ.75 లక్షలు వెచ్చించేందుకు కూడా ఏ ఫ్రాంచైజీ ముందుకు రాలేదు. క్రమశిక్షణ లేకపోవడంతో అప్పట్లో భారత మాజీ క్రికెటర్ కాంబ్లీకి కూడా ఇదే గతి పట్టింది.
Similar News
News December 7, 2024
ఈనెల 15న WPL మినీ వేలం
బెంగళూరులో ఈనెల 15న ఉమెన్స్ ప్రీమియర్ లీగ్ (WPL) మినీ వేలం నిర్వహించనున్నట్లు BCCI ప్రకటించింది. మొత్తం 120 మంది ప్లేయర్లు ఆక్షన్‌లో పాల్గొంటున్నారని, అందులో 29 మంది విదేశీ ప్లేయర్లున్నారని తెలిపింది. స్వదేశీ క్రికెటర్ల కోసం 19 స్లాట్లు, ఓవర్సీస్ ప్లేయర్లకు 5 స్లాట్లు కేటాయించినట్లు పేర్కొంది. WPLలో మొత్తం 5 జట్లు (ఢిల్లీ, గుజరాత్, ముంబై, బెంగళూరు, యూపీ) పోటీ పడుతున్న సంగతి తెలిసిందే.
News December 7, 2024
బ్రిక్స్ కరెన్సీపై ప్రతిపాదనలు లేవు: జైశంకర్
US డాల‌ర్‌తో పోటీ ప‌డేందుకు బ్రిక్స్ దేశాల కొత్త క‌రెన్సీ తెచ్చే విష‌య‌మై నిర్ణ‌యం తీసుకోలేద‌ని విదేశాంగ మంత్రి జైశంకర్ స్ప‌ష్టం చేశారు. $ విలువ తగ్గింపుపై భారత్కు ఆసక్తి లేద‌ని తేల్చిచెప్పారు. భారత్కు అమెరికా అతిపెద్ద వాణిజ్య భాగ‌స్వామి అని, బ్రిక్స్ కరెన్సీపై ఎలాంటి ప్రతిపాదనలు లేవ‌న్నారు. కాగా బ్రిక్స్ దేశాలు కొత్త క‌రెన్సీ తెస్తే 100% టారిఫ్‌లు విధిస్తామ‌ని ట్రంప్ గతంలో హెచ్చరించారు.
News December 7, 2024
ఏటా డిసెంబర్ 15న ఆత్మార్పణ దినం
AP: ఆంధ్ర రాష్ట్ర ఏర్పాటు కోసం ప్రాణత్యాగం చేసిన పొట్టి శ్రీరాములు వర్ధంతి (డిసెంబర్ 15)ని ఏటా ఆత్మార్పణ దినంగా నిర్వహించాలని రాష్ట్ర ప్రభుత్వం నిర్ణయించింది. ఆయన జీవిత చరిత్రపై పిల్లలకు క్విజ్, వ్యాసరచనలో పోటీలు పెట్టాలని తాజాగా ఉత్తర్వులు జారీ చేసింది.