News November 28, 2024
కేరళ చీరకట్టుతో నాయనమ్మ ఇందిరను గుర్తుచేసిన ప్రియాంక!
కేరళ కసావు చీరకట్టుతో లోక్‌సభకు వచ్చిన ప్రియాంకా గాంధీ వాద్రా పార్లమెంటులో తన నాయనమ్మ ఇందిరాగాంధీని గుర్తుకుతెచ్చారని సోషల్ మీడియాలో అభిప్రాయాలు వ్యక్తమవుతున్నాయి. ఆమె వస్త్రధారణ, హెయిర్‌స్టైల్ యంగ్ ఇందిరను తలపించాయని అంటున్నారు. సాధారణ ప్రజానీకంతో కనెక్ట్ అయ్యేందుకు ఆమె ఎక్కువగా ఇలాంటి చీరలకే ప్రాధాన్యం ఇచ్చేవారని, ప్రియాంక ఇప్పుడా సెంటిమెంటును గుర్తుచేశారని పేర్కొంటున్నారు. మీ అభిప్రాయమేంటి?
Similar News
News December 11, 2024
ఇంకా జోరు తగ్గని ‘దేవర’
ఎన్టీఆర్ ‘దేవర’ మూవీ విడుదలై మూడు నెలలు దాటినా జోరు కొనసాగిస్తోంది. ఈ మూవీ నెట్‌ఫ్లిక్స్‌లో విడుదలైన సంగతి తెలిసిందే. ఈ ఏడాది ఆ వేదికపై అత్యధికంగా వీక్షించిన రెండో దక్షిణాది చిత్రంగా నిలిచింది. వరుసగా 5వారాల పాటు టాప్ 10లో ట్రెండ్ అవుతోందని దేవర మూవీ టీమ్ తెలిపింది. ఎన్టీఆర్, జాన్వీ కపూర్ జంటగా కొరటాల శివ తెరకెక్కించిన ఈ మూవీ వరల్డ్‌వైడ్ రూ.500 కోట్ల గ్రాస్ కలెక్ట్ చేయడం విశేషం.
News December 11, 2024
ట్రంప్‌కు కాబోయే కోడలికి కీలక పదవి
అమెరికాకు కాబోయే అధ్యక్షుడు డొనాల్డ్ ట్రంప్ తనకు కాబోయే కోడలికి కీలక పదవి కట్టబెట్టారు. డొనాల్డ్ ట్రంప్ జూనియర్ ఫియాన్సీ కింబర్లీ గిల్ఫోయిల్‌ను గ్రీస్‌కు US రాయబారిగా నియమించారు. కింబర్లీ గతంలో ఫాక్స్ న్యూస్ హోస్ట్‌గా పనిచేశారు. 2020లో ట్రంప్ జూనియర్‌తో నిశ్చితార్థం జరిగింది. కాగా జూనియర్ ట్రంప్ ఇప్పటికే వానెసాతో పెళ్లై విడాకులు తీసుకున్నారు. వీరిద్దరికీ ఐదుగురు పిల్లలు ఉన్నారు.
News December 11, 2024
GOOGLE: ప్రపంచంలో రెండో వ్యక్తిగా పవన్ కళ్యాణ్
పవర్ స్టార్ పవన్ కళ్యాణ్ ప్రపంచవ్యాప్తంగా GOOGLE అత్యధికంగా శోధించిన రెండవ నటుడిగా అవతరించారు. 2024లో ఎక్కువగా సెర్చ్ చేసిన నటుల జాబితాను సంస్థ విడుదల చేసింది. ఇందులో హాస్యనటుడు కాట్ విలియమ్స్ అగ్రస్థానంలో నిలిచారు. నటుడిగా, రాజకీయ వేత్తగా ఈ ఏడాది పవన్ టాక్ ఆఫ్ ది టౌన్‌గా నిలవడంతో ఆయన గురించి తెలుసుకునేందుకు తెగ సెర్చ్ చేశారు. ఈ జాబితాలో భారత్ నుంచి హీనా ఖాన్, నిమ్రత్ కౌర్ కూడా ఉండటం విశేషం.