News May 3, 2024
నిర్మాతలే రూమర్స్ క్రియేట్ చేసేవాళ్లు: సోనాలి బింద్రే
హీరో-హీరోయిన్ల మధ్య ఎఫైర్స్ను సినిమా నిర్మాతలే క్రియేట్ చేసేవారని హీరోయిన్ సోనాలి బింద్రే తెలిపారు. వాళ్ల సినిమా ప్రమోషన్ల కోసమే ఇలాంటివి సృష్టించేవారని పేర్కొన్నారు. ‘నాపై కూడా చాలా రూమర్స్ సృష్టించారు. కానీ వాటిలో ఒక్కటి కూడా నిజం లేదు. అప్పట్లో ఈ రూమర్స్ ట్రెండ్ ఇండస్ట్రీలో విపరీతంగా ఉండేది. అది ఇప్పటికీ కొనసాగుతూనే ఉంది. స్టార్ హీరోయిన్ అవుతానని నేను అప్పుడు అనుకోలేదు’ అని ఆమె చెప్పారు.
Similar News
News January 16, 2026
కనుమ – ముక్కనుమ: తేడాలేంటి?
నేడు కనుమ. రేపు ముక్కనుమ. ఈ పండుగలు పల్లె సంస్కృతికి అద్దం పడతాయి. కనుమ నాడు వ్యవసాయానికి చేదోడుగా నిలిచే పశువులను పూజించి కృతజ్ఞతలు తెలుపుతారు. ఇక ముక్కనుమ పండుగ ముగింపు సంబరం. ఈరోజున పశువులను చెరువులలో శుభ్రంగా కడిగి విశ్రాంతినిస్తారు. కనుమ రోజున శాకాహారానికి ప్రాధాన్యత ఉంటే, ముక్కనుమ నాడు మాంసాహార విందులు, గ్రామ దేవతల ఆరాధన, బొమ్మల నోము వంటి కార్యక్రమాలతో పండుగకు ఘనంగా ముగింపు పలుకుతారు.
News January 16, 2026
NTR ‘డ్రాగన్’ మూవీలో అనిల్ కపూర్
యంగ్ టైగర్ ఎన్టీఆర్, ప్రశాంత్ నీల్ కాంబోలో రాబోతున్న ‘డ్రాగన్’ చిత్రంపై భారీ అంచనాలు నెలకొన్నాయి. తాజాగా ఈ ప్రాజెక్ట్లోకి బాలీవుడ్ సీనియర్ నటుడు అనిల్ కపూర్ చేరారు. ఈ విషయాన్ని ఆయనే స్వయంగా ఇన్స్టా వేదికగా ధ్రువీకరించారు. అనిల్ కపూర్ రాకతో మూవీ హైప్ అమాంతం పెరిగింది. రుక్మిణీ వసంత్ హీరోయిన్గా నటిస్తున్న ఈ చిత్రాన్ని 2026లో విడుదల చేసేందుకు మేకర్స్ ప్లాన్ చేస్తున్నారు.
News January 16, 2026
ఎల్లుండి ‘మౌని అమావాస్య’.. ఏం చేయాలి?
మౌని(చొల్లంగి) అమావాస్య ఈ ఏడాది JAN 18న వచ్చింది. 18న 12.03amకి ప్రారంభమై 19న 1.21amకు ముగుస్తుంది. ఈ రోజున పవిత్ర నదుల్లో స్నానం చేస్తే పాపాలు తొలగి, మోక్షం లభిస్తుందని నమ్మకం. పితృదేవతలకు పిండ ప్రదానం చేసి నీళ్లు, నువ్వులతో తర్పణాలు వదిలితే వారు ఉత్తమ లోకాలకు చేరుకొని ఆశీర్వదిస్తారని పండితులు చెబుతున్నారు. మౌన వ్రతం, శివుడికి రుద్రాభిషేకం, నవగ్రహ ప్రదక్షిణ చేస్తే మంచి జరుగుతుందట.