News July 27, 2024
పోర్టుల అభివృద్ధికి రూ.3,300 కోట్లతో ప్రతిపాదనలు
AP: భావనపాడు, రామాయపట్నం, మచిలీపట్నం పోర్టుల అభివృద్ధికి PM గతిశక్తి పథకం కింద రాష్ట్ర ప్రభుత్వం సాయం కోరిందని కేంద్రమంత్రి సర్బానంద సోనోవాల్ వెల్లడించారు. ఈ మేరకు రూ.3300 కోట్లతో ప్రతిపాదనలు వచ్చాయన్నారు. కొత్త జెట్టీలు, హార్బర్ల నిర్మాణానికి వచ్చిన ప్రతిపాదనలను ఆర్థిక మంత్రిత్వ శాఖ ఆమోదానికి పంపినట్లు తెలిపారు. లోక్‌సభలో బాపట్ల ఎంపీ తెన్నేటి కృష్ణప్రసాద్ అడిగిన ప్రశ్నకు మంత్రి సమాధానమిచ్చారు.
Similar News
News November 30, 2025
కర్ణాటక ‘సీఎం’ వివాదం.. రెండ్రోజుల్లో నిర్ణయం?
కర్ణాటకలో CM మార్పు ప్రచారం నేపథ్యంలో సిద్దరామయ్య, DK శివకుమార్ కలిసి <<18419745>>బ్రేక్‌ఫాస్ట్ <<>>చేసిన విషయం తెలిసిందే. ఇవాళ ఢిల్లీలో కాంగ్రెస్ చీఫ్ మల్లికార్జున ఖర్గే, రాహుల్ గాంధీ హైలెవెల్ మీటింగ్ నిర్వహించారు. ప్రభుత్వంలో మార్పులు, చేర్పులు, వాటి వల్ల ఎదురయ్యే పరిణామాలపై చర్చించారు. రేపు మరో దఫా భేటీ అయ్యే అవకాశం ఉందని పార్టీ వర్గాలు తెలిపాయి. వచ్చే రెండు రోజుల్లో తుది నిర్ణయం తీసుకోవచ్చని వెల్లడించాయి.
News November 30, 2025
‘దిత్వా’ తుఫాను UPDATE
నైరుతి బంగాళాఖాతాన్ని ఆనుకొని ఉన్న ఉత్తర శ్రీలంక మీదుగా ‘దిత్వా’ తుఫాను కొనసాగుతోందని APSDMA తెలిపింది. ప్రస్తుతానికి కారైకల్‌కి 100KM, పుదుచ్చేరికి 190KM, చెన్నైకి 290KM దూరంలో కేంద్రీకృతమై ఉందని వివరించింది. తుఫాను ఉత్తర వాయవ్య దిశగా ప్రయాణిస్తూ రేపు తెల్లవారుజామునకు ఉత్తర తమిళనాడు, పుదుచ్చేరి, దానికి ఆనుకుని ఉన్న దక్షిణ కోస్తాంధ్ర తీరాల సమీపంలోకి చేరుకునే అవకాశం ఉందని చెప్పింది.
News November 30, 2025
HYDలో అండర్ గ్రౌండ్ పవర్ కేబుల్స్ వేసేందుకు గ్రీన్ సిగ్నల్
TG: విద్యుత్ రంగం ఆధునికీకరణలో భాగంగా ప్రభుత్వం కీలక నిర్ణయాలు తీసుకుంది. దీనిలో భాగంగా హైదరాబాద్‌లోని బంజారాహిల్స్, సికింద్రాబాద్, హైదరాబాద్ సెంట్రల్, సౌత్ సర్కిళ్లలో అండర్ గ్రౌండ్ పవర్ కేబుల్స్ వేసేందుకు రూ.4,051 కోట్లకు పరిపాలన అనుమతులు జారీ చేసింది. దీంతో పాటు రాష్ట్రంలో 3వేల మెగావాట్ల సోలార్ పవర్ కొనుగోలు చేయాలని నిర్ణయించింది. 5 ఏళ్ల పాటు టెండర్ల ద్వారా సోలార్ పవర్ సేకరించనుంది.