News November 19, 2024
‘పుష్ప 2’ టికెట్ ధరలు భారీగా పెంపు?
అల్లు అర్జున్, సుకుమార్ కాంబినేషన్‌లో వస్తోన్న ‘పుష్ప 2’ మూవీ డిసెంబర్ 5న విడుదల కానుంది. ఈ క్రమంలో టికెట్ రేట్ల పెంపునకు సంబంధించి ఓ వార్త వైరల్ అవుతోంది. టికెట్ రేట్లు పెంచేందుకు నిర్మాతలు ప్లాన్ చేస్తున్నట్లు తెలుస్తోంది. ప్రస్తుతం APలో నగరాల్లో రూ.150-200 ఉన్న టికెట్ రేటును రూ.300కు పెంచేందుకు ప్రభుత్వాన్ని కోరనున్నట్లు టాక్. దీనిపై సర్కార్ ఎలాంటి నిర్ణయం తీసుకుంటుందనేది ఆసక్తికరంగా మారింది.
Similar News
News December 6, 2024
అల్లు అర్జున్‌కు జైలు శిక్ష పడుతుందా?
HYD సంధ్య థియేటర్ వద్ద జరిగిన తొక్కిసలాట ఘటనలో అల్లు అర్జున్‌పై చిక్కడపల్లి PSలో కేసు నమోదైంది. BNS చట్టంలోని సెక్షన్ 105(హత్య కాని ప్రాణనష్టం కేసు), 118(1) వంటి నాన్‌బెయిలబుల్ సెక్షన్ల కింద కేసు నమోదైంది. ఈ తరహా కేసుల్లో నేరం రుజువైతే 5 నుంచి గరిష్ఠంగా పదేళ్ల వరకూ జైలు శిక్ష పడే అవకాశముంది. బన్నీ వస్తున్న విషయంపై తమకు ఎవరూ సమాచారం ఇవ్వలేదని పోలీసులు వెల్లడించారు. ఈ కేసులో ఏం జరుగుతుందో చూడాలి.
News December 6, 2024
STOCK MARKETS: ఐటీ, మీడియా షేర్లపై సెల్లింగ్ ప్రెజర్
RBI MPC మీటింగ్ నేపథ్యంలో స్టాక్ మార్కెట్లు ఫ్లాట్‌గా మొదలయ్యాయి. వడ్డీరేట్ల తగ్గింపుపై రకరకాల అంచనాలు ఉండటంతో ఇన్వెస్టర్లు అప్రమత్తంగా ఉంటున్నారు. ప్రస్తుతం నిఫ్టీ 24,712 (+4), సెన్సెక్స్ 81,784 (+23) వద్ద ట్రేడవుతున్నాయి. IT, మీడియా, రియాల్టి షేర్లపై సెల్లింగ్ ప్రెజర్ నెలకొంది. ఆటో, FMCG, మెటల్, కన్జూమర్ డ్యురబుల్స్, O&G రంగాల్లో కొనుగోళ్ల సందడి కనిపిస్తోంది. TCS, LT, WIPRO టాప్ లూజర్స్.
News December 6, 2024
గ్రూప్-1,2,3 ఫలితాలు ఎప్పుడంటే?
TG: రాష్ట్రంలో గ్రూప్-1, 3 పరీక్షలు జరగ్గా, ఈ నెలలో గ్రూప్-2 నిర్వహించనున్నారు. తొలుత గ్రూప్-1 ఫలితాలు, పోస్టుల భర్తీ.. ఆ తర్వాత గ్రూప్-2 ఫలితాలు, భర్తీ చేయనున్నట్లు తెలుస్తోంది. చివర్లో గ్రూప్-3 ఫలితాలు రిలీజ్ చేస్తారని సమాచారం. ఇలా వచ్చే ఏడాది ఏప్రిల్ నాటికి అన్ని గ్రూప్ ఉద్యోగాలు భర్తీ కానున్నాయి. మెరిట్ ఉన్న నిరుద్యోగులు అవకాశాలు కోల్పోకూడదని TGPSC ఇలా కొత్త విధానం అమలు చేయనున్నట్లు సమాచారం.