News September 12, 2025
రాహుల్.. మీకు సిగ్గనిపించడం లేదా: KTR
TG: తాము కాంగ్రెస్లో చేరలేదని BRS ఫిరాయింపు MLAలు చెప్పడంపై ఆ పార్టీ కార్యనిర్వాహక అధ్యక్షుడు KTR ఫైరయ్యారు. ‘డియర్ రాహుల్గాంధీ.. ఈ ఫొటోను చూడండి. కాంగ్రెస్ కండువాలను, ఢిల్లీలో మిమ్మల్ని కలిసిన BRS ఫిరాయింపు MLAలను గుర్తుపట్టారా? ఇప్పుడు వీరు తాము పార్టీ మారలేదని, ఇది కాంగ్రెస్ కండువా కాదని అంటున్నారు. దీన్ని అంగీకరిస్తారా? ఇది ఓట్ చోరీ కాదా? మీకు సిగ్గు అనిపించడం లేదా?’ అని ప్రశ్నించారు.
Similar News
News March 26, 2026
‘ఖర్గ్’ స్వాధీనానికి US ప్లాన్.. ఇరాన్ తీవ్ర హెచ్చరికలు
ఇరాన్కు చెందిన <<19378419>>ఖర్గ్ ద్వీపాన్ని<<>> స్వాధీనం చేసుకునేందుకు అమెరికా బలగాలు ప్రయత్నిస్తున్నట్లు CNN తెలిపింది. దీంతో ఇరాన్ అప్రమత్తమై భారీ ఎత్తున బలగాలను సిద్ధం చేస్తోందని పేర్కొంది. దీనిపై ఇరాన్ పార్లమెంట్ స్పీకర్ ఘలీబఫ్ సైతం స్పందించారు. ‘మా పక్క దేశంతో కలిసి శత్రువులు కుట్ర చేస్తున్నారు. అన్నీ గమనిస్తున్నాం. వాళ్లు అటాక్ చేస్తే ఆ దేశంలో విధ్వంసం సృష్టిస్తాం’ అని హెచ్చరించారు.
News March 26, 2026
వేప పిండి, పిడకల ఎరువుతో కలిగే లాభాలు
ఒక టన్ను వేప పిండిని దుక్కిలో(లేదా) పంట పెట్టిన తర్వాత వేస్తే 52 నుంచి 55KGల నత్రజని, 10KGల భాస్వరం, 14-15KGల పొటాష్ ఇతర పోషకాలు పంటకు అందుతాయి. బాగా పొడిచేసిన పిడకల ఎరువు(36-40 బస్తాలు)ను సాగు భూమిలో వేస్తే 5-15KGల నత్రజని, 3-9KGల భాస్వరం, 5-19KGల పొటాష్ ఇతర పోషకాలు పంటకు అందుతాయి. వేపపిండిలోని పోషకాల శాతం భూమికి అదనపు బలాన్నిచ్చి, చీడపీడలు, తెగుళ్ల ముప్పును తగ్గిస్తుంది.
News March 26, 2026
మహాభారతంలో భాగమే భగవద్గీత
వ్యాసుడు రచించిన మహాభారతంలో ఓ భాగమే భగవద్గీత అనే విషయం చాలామందికి తెలిసే ఉంటుంది. భారత ఇతిహాసంలో భీష్మ పర్వం 25వ అధ్యాయం మొదలు 42వ అధ్యాయం వరకు మొత్తం 18 అధ్యాయాలను భగవద్గీతగా చెబుతారు. ఇందులో మొత్తం 700 శ్లోకాలు ఉంటాయి. ఇవి మనం ధర్మబద్ధంగా ఎలా జీవించాలో నేర్పుతాయి. బంధువులను చంపడానికి విముఖత చూపిన అర్జునుడిని ధర్మ మార్గాన్ని చూపడానికి, ధర్మాన్ని గెలిపించడానికి కృష్ణుడు గీతబోధ చేశాడు.