News September 27, 2024
డిఫెన్స్ స్టాండింగ్ కమిటీలోకి రాహుల్ గాంధీ
మినిస్ట్రీల పనితీరుపై దృష్టిపెట్టే పార్లమెంటు స్టాండింగ్ కమిటీలు ఏర్పాటైనట్టు రాజ్యసభ సెక్రటేరియట్ తెలిపింది. రాధామోహన్ సింగ్ నేతృత్వంలోని డిఫెన్స్ కమిటీలో రాహుల్ గాంధీకి చోటు దక్కింది. సోనియా ఎందులోనూ లేరు. ఫైనాన్స్‌ను భర్తృహరి, విదేశాంగను శశి థరూర్ నడిపిస్తారు. TDP, JDU, శివసేన, NCPకి ఒక్కో కమిటీలో నాయకత్వం దక్కింది. అగ్రికల్చర్, ఫుడ్ ప్రాసెసింగ్, పంచాయితీ రాజ్‌కు కాంగ్రెస్ నేతలే సారథులు.
Similar News
News October 12, 2024
చంద్రబాబును కలిసి చెక్కులను అందించిన చిరంజీవి
మెగాస్టార్ చిరంజీవి ఏపీ సీఎం చంద్రబాబును కలిశారు. హైదరాబాద్‌లోని చంద్రబాబు నివాసానికి వెళ్లి రూ.కోటి విరాళం అందజేశారు. తన తరఫున రూ.50 లక్షలు, కుమారుడు రాంచరణ్ తరఫున రూ.50 లక్షల చెక్కులను ముఖ్యమంత్రికి ఇచ్చారు. విజయవాడలోని వరద బాధితులను ఆదుకునేందుకు చిరంజీవి ఈ విరాళం ప్రకటించిన సంగతి తెలిసిందే.
News October 12, 2024
ఇజ్రాయెల్‌కు సాయం చేయొద్దు.. ఆ దేశాలకు ఇరాన్ హెచ్చరికలు
త‌మ‌పై దాడికి ఇజ్రాయెల్‌కు స‌హ‌క‌రిస్తే పర్యవసానాలు తీవ్రంగా ఉంటాయని పొరుగున ఉన్న అర‌బ్ దేశాలు, గ‌ల్ఫ్‌లోని అమెరికా మిత్రదేశాల‌ను ఇరాన్ హెచ్చ‌రించింది. ఇరాన్ దాడి నేప‌థ్యంలో ప్ర‌తీకార దాడి త‌ప్ప‌ద‌ని ఇజ్రాయెల్ ఇప్ప‌టికే స్పష్టం చేసింది. ఈ నేప‌థ్యంలో త‌మ‌పై దాడికి భూభాగం-గ‌గ‌న‌త‌లం వాడుకునేలా అనుమతిస్తే ప్ర‌తీకారం త‌ప్ప‌ద‌ని ఆయా దేశాలకు ర‌హ‌స్య దౌత్య మాధ్య‌మాల ద్వారా ఇరాన్ వార్నింగ్ ఇచ్చింది.
News October 12, 2024
గౌతమ్ గంభీర్‌పై నెటిజన్ల ఆగ్రహం
టీమ్ ఇండియా హెడ్ కోచ్ గౌతమ్ గంభీర్ ఓ ఫ్యాంటసీ క్రికెట్ యాప్‌ను ప్రమోట్ చేస్తూ చేసిన ట్వీట్ తీవ్ర విమర్శలకు దారి తీసింది. మద్యం, పొగాకు, ఆన్‌లైన్ బెట్టింగ్‌లకు తాను వ్యతిరేకమని గంభీర్ గతంలో చెప్పారు. మరి ఇప్పుడు మాట తప్పి డబుల్ స్టాండర్డ్స్ ఏంటంటూ నెటిజన్లు ప్రశ్నిస్తున్నారు. పైపెచ్చు టీమ్ ఇండియా హెడ్ కోచ్‌గా ఉన్న వ్యక్తి ఓ బెట్టింగ్ యాప్‌ను ప్రమోట్ చేయడమేంటంటూ ఆగ్రహం వ్యక్తం చేస్తున్నారు.