News August 29, 2024
మలయాళ నటుడిపై రేప్ కేసు నమోదు
మలయాళ నటుడు, సీపీఐ(ఎం) ఎమ్మెల్యే ముకేశ్పై రేప్ కేసు నమోదైంది. కొన్నేళ్ల క్రితం తనపై ముకేశ్ అత్యాచారం చేశారని ఓ నటి కొచ్చిలోని మరదు పోలీస్ స్టేషన్లో ఫిర్యాదు చేయగా పోలీసులు ఎఫ్ఐఆర్ నమోదు చేశారు. ఇప్పటికే జస్టిస్ హేమ కమిటీ రిపోర్ట్ మలయాళ చిత్ర పరిశ్రమను కుదిపేస్తోంది. నటుడు సిద్ధిఖీపై నటి రేవతి సంపత్ లైంగిక ఆరోపణల కింద కేసు పెట్టారు. మరికొందరు నటులపై కూడా లైంగిక ఆరోపణలు వచ్చాయి.
Similar News
News September 14, 2024
రోహిత్ నాకు అన్నయ్యలాంటివాడు: సర్ఫరాజ్
బాలీవుడ్ సినిమా లగాన్లో ఆమిర్ ఖాన్ పాత్ర తరహాలో రోహిత్ శర్మ నిజజీవితంలో ఉంటారని క్రికెటర్ సర్ఫరాజ్ ఖాన్ అన్నారు. జట్టులో అందర్నీ గౌరవంతో చూస్తారని పేర్కొన్నారు. ‘రోహిత్ చాలా విభిన్నమైన వ్యక్తి. మేం చాలా సౌకర్యంగా ఉండేలా చూసుకుంటారు. ఒకరకంగా చెప్పాలంటే నాకు అన్నయ్యలాంటి మనిషి. కొత్త కుర్రాళ్లను కూడా తనతో సమానంగానే ట్రీట్ చేస్తారు. ఆయన కెప్టెన్సీలో ఆడటాన్ని మేం ఎంజాయ్ చేస్తున్నాం’ అని తెలిపారు.
News September 14, 2024
‘టైమ్’ బెస్ట్ కంపెనీల జాబితాలో అదానీ గ్రూప్
2024లో ప్రపంచంలోని అత్యుత్తమ సంస్థల జాబితాను టైమ్ సంస్థ తాజాగా విడుదల చేసింది. అదానీ గ్రూప్నకు చెందిన 8 సంస్థలకు అందులో చోటు దక్కింది. స్టాటిస్టాతో కలిసి 50 దేశాల్లో ఈ సర్వే నిర్వహించినట్లు టైమ్ పేర్కొంది. పని పరిస్థితులు, జీతం, సమానత్వం వంటి పలు అంశాలను పరిగణనలోకి తీసుకున్నట్లు వివరించింది. కాగా.. ఉద్యోగుల పట్ల తమ నిబద్ధత, వ్యాపార రంగంలో దక్షతకు ఇది నిదర్శనమని అదానీ గ్రూప్ ఓ ప్రకటనలో తెలిపింది.
News September 14, 2024
హ్యాపీ బర్త్ డే ‘SKY’
టీమ్ ఇండియా టీ20 కెప్టెన్ సూర్యకుమార్ యాదవ్ పుట్టినరోజు నేడు. 1990 సెప్టెంబర్ 14న ఆయన ముంబైలో జన్మించారు. 2021లో 30 ఏళ్ల వయసులో SKY అంతర్జాతీయ క్రికెట్లోకి ఎంట్రీ ఇచ్చారు. తన అద్భుత ఆటతీరుతో వరల్డ్ నెంబర్ వన్ బ్యాటర్గా ఎదిగారు. 33 ఏళ్లకే పొట్టి ఫార్మాట్ సారథిగా ఎంపికయ్యారు. టీ20ల్లో ఏకంగా 4 సెంచరీలు బాది సత్తా చాటారు. రెండు సార్లు టీ20 క్రికెట్ ఆఫ్ ద ఇయర్గా నిలిచారు.
HAPPY BIRTH DAY SKY