News February 24, 2025
రికార్డ్ స్థాయిలో విద్యుత్ ఉత్పత్తి
AP: ఏపీజెన్కో గతంలో ఎన్నడూ లేనంతగా నిన్న 241.523 మిలియన్ యూనిట్ల(MU) విద్యుత్ ఉత్పత్తి చేసింది. విజయవాడ నార్ల తాతారావు థర్మల్ విద్యుత్ కేంద్రం(VTPS) స్థాపించిన తర్వాత నిన్న సాధించిన 52.73MU విద్యుత్ ఉత్పత్తే అధికం. ఇతర థర్మల్ కేంద్రాల్లో 123.055MU, హైడల్ 9.411MU, తదితరాల ద్వారా మిగతా విద్యుత్ జనరేట్ అయింది. ఏపీజెన్కో చరిత్రలో ఇది సువర్ణ అధ్యాయం అని సంస్థ MD కేవీఎస్ చక్రధరబాబు తెలిపారు.
Similar News
News November 29, 2025
వర్ష బీభత్సం.. శ్రీలంకలో ఎమర్జెన్సీ
భారీ వర్షాలు, వరదల నేపథ్యంలో శ్రీలంక ఎమర్జెన్సీ ప్రకటించింది. ఆదుకోవాలంటూ అంతర్జాతీయ సమాజాన్ని కోరింది. దాదాపు 5 లక్షల మంది ప్రభావితమయ్యారని, వారికి సాయం అందించేందుకు విదేశాల్లో ఉన్న శ్రీలంకన్లు నగదు విరాళాలు ఇవ్వాలని విజ్ఞప్తి చేసింది. దిత్వా తుఫాను బీభత్సంలో శ్రీలంకలో ఇప్పటిదాకా 132 మంది చనిపోగా, 176 మంది గల్లంతయ్యారు. ఇప్పటికే శ్రీలంకకు <<18419792>>భారత్<<>>, అమెరికా తమ వంతు సాయం అందజేసిన విషయం తెలిసిందే.
News November 29, 2025
బుడిబుడి అడుగులు భద్రంగా ఉండాలంటే..
పిల్లలు తప్పటడుగులు వేసేటప్పుడు పడిపోవడం సహజం. అయితే ఇలాంటప్పుడు వారు సేఫ్‌గా ఉండాలంటే పేరెంట్స్ కొన్ని జాగ్రత్తలు తీసుకోవాలంటున్నారు నిపుణులు. ఈ సమయంలో వారికి పొడవైన డ్రెస్‌లు వేయకూడదు. పాదాలకు సాక్స్‌, బయటికి వెళ్తే మెత్తని షూస్‌ వేయాలి. దెబ్బలు తగలకుండా చేతులకు గ్లౌజ్‌లు వేయాలి. వాకర్‌లో ఎక్కువసేపు ఉంచితే నడుమునొప్పి వస్తుంది కాబట్టి తక్కువ సమయమే ఉంచాలి. వారిని ఎప్పటికప్పుడు గమనిస్తూ ఉండాలి.
News November 29, 2025
iBOMMA అంటే ఇంటర్నెట్ బొమ్మ: రవి
TG: రెండో విడత కస్టడీలో iBOMMA రవి కీలక విషయాలను వెల్లడించాడు. పైరసీ వెబ్‌సైట్లు, OTTలు, టెలిగ్రామ్ నుంచి సినిమాలను రికార్డు చేసి, వాటి క్వాలిటీ పెంచేందుకు కరీబియన్ దీవుల్లోని వ్యక్తులతో ఒప్పందం చేసుకున్నట్లు తెలిపాడు. ‘iBOMMA అంటే ఇంటర్నెట్ బొమ్మ. విశాఖలో సినిమాను బొమ్మ అంటాం. అందుకే ఆ పేరు పెట్టా. రెండో వెబ్‌సైట్‌కు బలపం అని పేరు అనుకున్నా. సాంకేతిక సమస్యతో బప్పంగా మార్చా’ అని చెప్పాడు.