News May 19, 2024

కల్యాణ లక్ష్మి, షాదీ ముబారక్ పథకాలకు నిధుల విడుదల

TG: కల్యాణ లక్ష్మి, షాదీ ముబారక్ పథకాలకు ప్రభుత్వం రూ.725 కోట్లను మంజూరు చేసింది. 2024-25 బడ్జెట్‌లో కేటాయించిన ఆయా నిధులను విడుదల చేస్తూ ఉత్తర్వులు జారీ చేసింది. ఈ పథకాల కింద యువతుల వివాహాల కోసం రూ.1,00,116 ఆర్థిక సాయంతో పాటు తులం బంగారం ఇస్తామని కాంగ్రెస్ హామీనిచ్చింది. తులం బంగారం అందించడంపై ఇప్పటికే GOVTకి అధికారులు ప్రతిపాదనలు పంపించారు. దీని అమలుపై స్పష్టత రావాల్సి ఉంది.