News November 27, 2024
మతం మార్చుకుంటే రిజర్వేషన్లు వర్తించవు: సుప్రీంకోర్టు
రిజర్వేషన్ల కోసం మతం మార్చుకోవడం రాజ్యాంగాన్ని మోసగించడమేనని సుప్రీంకోర్టు స్పష్టం చేసింది. మతంపై నమ్మకంతో మారితే తప్పులేదంది. బాప్టిజం తీసుకున్నాక హిందువుగా గుర్తింపు కొనసాగించలేరని చెప్పింది. హిందూమతాన్ని ఆచరిస్తుండటంతో ఉద్యోగంలో కోటా కోసం తనకు SC సర్టిఫికెట్ ఇవ్వాలని TN యువతి సెల్వరాణి వేసిన కేసును మద్రాస్ హైకోర్టు కొట్టేసింది. దానిని సవాల్ చేయగా ఆ తీర్పు సరైందేనని సుప్రీంకోర్టూ తెలిపింది.
Similar News
News December 5, 2024
విధ్వంసం.. 28 బంతుల్లో సెంచరీ
సయ్యద్ ముస్తాక్ అలీ ట్రోఫీలో పంజాబ్ యంగ్ బ్యాటర్ అభిషేక్ శర్మ దుమ్మురేపారు. మేఘాలయతో జరిగిన టీ20లో కేవలం 29 బంతుల్లోనే 106* రన్స్ చేశారు. 28 బంతుల్లోనే సెంచరీ మార్క్ అందుకున్నారు. శర్మ ఇన్నింగ్సులో 11 సిక్సర్లు, 8 ఫోర్లు ఉన్నాయి. టీ20ల్లో భారత బ్యాటర్లకు ఇదే జాయింట్ ఫాస్టెస్ట్ సెంచరీ. అంతకుముందు గుజరాత్ బ్యాటర్ ఉర్విల్ పటేల్ ఈ ఏడాది NOVలో 28 బంతుల్లో సెంచరీ చేశారు.
News December 5, 2024
ఖజానాను ఖాళీ చేసిన జగన్: యనమల
AP: ప్రజా సమస్యలపై మాజీ సీఎం జగన్ <<14789250>>ఆందోళనలకు<<>> పిలుపునివ్వడంపై టీడీపీ నేత యనమల రామకృష్ణుడు మండిపడ్డారు. రాష్ట్రంలో శాంతిభద్రతల సమస్యను సృష్టించేందుకు ఆయన కుట్రలు చేస్తున్నారని ఆరోపించారు. ఖజానాను ఖాళీ చేసిన జగన్ ప్రస్తుతం అధికారం లేకుండా ఉండలేకపోతున్నారని ఎద్దేవా చేశారు. ఆయన పాలనను ప్రజలు తిరస్కరించిన విషయాన్ని గుర్తించాలని హితవు పలికారు.
News December 5, 2024
KL-జైస్వాల్ ఓపెనింగ్ చేస్తారు: రోహిత్ శర్మ
రేపటి నుంచి జరిగే అడిలైడ్ టెస్టులో కేఎల్ రాహుల్, యశస్వీ జైస్వాల్ ఓపెనింగ్ చేస్తారని రోహిత్ శర్మ వెల్లడించారు. తొలి టెస్టులో జైస్వాల్‌తో కలిసి KL నెలకొల్పిన భాగస్వామ్యం విజయంలో కీలక పాత్ర పోషించిందన్నారు. విదేశాల్లో బ్యాటింగ్ చేసిన విధానం వల్ల అతను ఓపెనింగ్‌కు అర్హుడని చెప్పారు. తాను మధ్యలో ఎక్కడో చోట బ్యాటింగ్ చేస్తానని ప్రకటించారు. ఈ నిర్ణయం వ్యక్తిగతంగా తనకు కష్టమైనా జట్టుకు మంచి చేస్తుందన్నారు.