News July 29, 2024
ఏసీలు లేని గదులు.. ఒలింపిక్స్ అథ్లెట్ల తిప్పలు
చరిత్రలోనే అత్యంత ప్రకృతిహితమైన ఒలింపిక్స్ నిర్వహించాలన్న ఉద్దేశంతో ఆటగాళ్ల గదుల్లో పారిస్ ఒలింపిక్స్ నిర్వాహకులు ఏసీలు ఏర్పాటు చేయలేదు. దీంతో అథ్లెట్లు ఉక్కపోతతో తీవ్ర ఇబ్బందులు పడుతున్నారు. భారీగా డిమాండ్లు, విమర్శలు రావడంతో ఎట్టకేలకు తాత్కాలికంగా 2500 ఏసీలు ఏర్పాటు చేయాలని నిర్వాహకులు నిర్ణయించినట్లు సమాచారం. ఇప్పటికే ఒలింపిక్స్ ప్రారంభోత్సవ వేడుకలపైనా విమర్శలు వచ్చిన సంగతి తెలిసిందే.
Similar News
News February 1, 2025
కుంభమేళాకు సగం ధరకే విమాన టికెట్ల ధరలు: కేంద్ర మంత్రి
కుంభమేళాకు వెళ్లే భక్తులకు సగం ధరకే విమాన ప్రయాణం చేయొచ్చని కేంద్ర మంత్రి రామ్మోహన్ నాయుడు తెలిపారు. ఇందుకు సంబంధించి అన్ని ఎయిర్‌లైన్స్ సంస్థలకు ఆదేశాలు జారీ చేశామని చెప్పారు. కాగా కుంభమేళా సందర్భంగా ప్రయాగ్‌రాజ్ వెళ్లే అన్ని విమాన సంస్థలు భారీగా టికెట్లు రేట్లు పెంచాయి. దీనిపై కేంద్రానికి వినతులు వెల్లువెత్తడంతో 50 శాతం ధరల తగ్గింపు నిర్ణయం తీసుకుంది.
News February 1, 2025
సీఎం చంద్రబాబుతో డీజీపీ గుప్తా భేటీ
AP: CM చంద్రబాబుతో నూతన DGP హరీష్ కుమార్ గుప్తా భేటీ అయ్యారు. ఉండవల్లిలోని సీఎం నివాసంలో వీరు మర్యాదపూర్వకంగా కలిశారు. ఈ సందర్భంగా డీజీపీగా తనను ఎంపిక చేసినందుకు సీఎంకు ధన్యవాదాలు తెలిపారు. కాగా నిన్నటితో మాజీ DGP ద్వారకా తిరుమలరావు పదవీకాలం ముగిసింది. ఆయనను ఏడాది పాటు RTC MDగా కొనసాగిస్తూ ప్రభుత్వం ఉత్తర్వులు జారీ చేసింది.
News February 1, 2025
నాలుగో టీ20లో హీరోగా మారిన హర్షిత్
ఇంగ్లండ్‌తో జరిగిన నాలుగో టీ20లో హర్షిత్ రాణా కంకషన్ సబ్‌స్టిట్యూట్‌గా బరిలోకి దిగి హీరోగా అవతరించారు. కీలక సమయంలో 3 వికెట్లు పడగొట్టి ఓడిపోయే మ్యాచ్‌ను మలుపు తిప్పారు. బేథేల్, లివింగ్‌స్టోన్, ఓవర్టన్‌లను ఆయన పెవిలియన్ పంపారు. కంకషన్ సబ్‌స్టిట్యూట్‌గా అంతర్జాతీయ అరంగేట్రం చేసిన ఏడో ప్లేయర్‌గా రాణా నిలిచారు. గతంలో బ్రయాన్, నీల్ రాక్, జోండో, పార్కిన్‌సన్, కమ్రాన్ గులాం, బహిర్షాలు డెబుట్ చేశారు.