News May 17, 2024

విశాఖలో రౌడీయిజం బాగా పెరిగింది: విష్ణుకుమార్ రాజు

AP: వైసీపీ గూండాలకు పోలీసులు మద్దతిస్తున్నారని బీజేపీ విశాఖ నార్త్ అభ్యర్థి విష్ణుకుమార్ రాజు ఆరోపించారు. కూటమికి ఓటేశారని విశాఖలో ఓ కుటుంబంపై దాడి చేయడం దారుణమని మండిపడ్డారు. ‘కుటుంబ తగాదాల వల్లే ఈ దాడులు అనేది అబద్ధం. బాధితులకు రక్షణ కల్పించాలి. ఈ ఘటనపై CP, కలెక్టర్‌కు ఫిర్యాదు చేస్తాం. విశాఖలో రౌడీయిజం బాగా పెరిగింది. మేం ప్రచారం చేస్తున్న సమయంలోనూ కొందరు అడ్డుకున్నారు’ అని ఫైర్ అయ్యారు.