News January 12, 2025
అకౌంట్లలోకి రూ.12,000.. మార్గదర్శకాలు విడుదల
TG: రాష్ట్ర ప్రభుత్వం రైతు భరోసా మార్గదర్శకాలను విడుదల చేసింది. జనవరి 26 నుంచి సంవత్సరానికి ఎకరాకు రూ.12వేలు పెట్టుబడి సాయం అందించనున్నట్లు పేర్కొంది. భూభారతి (ధరణి)లో నమోదైన వ్యవసాయ యోగ్యమైన భూములకే ఈ సాయం అందనుంది. ROFR పట్టదారులకూ ఈ పథకం వర్తిస్తుంది. వ్యవసాయ యోగ్యం కాని భూములను రైతుభరోసా నుంచి తొలగించాలని ఆదేశించింది. ఫిర్యాదుల పరిష్కారానికి కలెక్టర్ బాధ్యులుగా ఉంటారని తెలిపింది.
Similar News
News September 7, 2025
త్వరలో కేటీఆర్ జిల్లాల పర్యటన!
TG: లోకల్ బాడీ ఎన్నికల సన్నద్ధతలో భాగంగా BRS వర్కింగ్ ప్రెసిడెంట్ KTR జిల్లాల్లో పర్యటించనున్నారు. ఈ నెల 10, 11 తేదీల్లో కొత్తగూడెం, భద్రాచలం నియోజకవర్గాల్లో, 13న గద్వాలలో ఆయన పర్యటిస్తారు. దసరాలోగా వీలైనన్ని జిల్లాలు, అసెంబ్లీ నియోజకవర్గాలను చుట్టేయాలని ఆయన భావిస్తున్నట్లు సమాచారం. ఇటు స్థానిక సంస్థలతో పాటు అటు జూబ్లీహిల్స్ ఉప ఎన్నికపైనా దృష్టి సారించనున్నట్లు తెలుస్తోంది.
News September 7, 2025
నేడే చంద్ర గ్రహణం.. ఈ పనులు మానుకోండి
నేడు రాత్రి 9.58కి చంద్ర గ్రహణం మొదలుకానుంది. కానీ <<17628465>>సూతక కాల<<>> ప్రభావం మధ్యాహ్నం 12.57 నుంచే ఉంటుందని పండితులు చెబుతున్నారు. ‘ఈ సమయంలో ఆహారం తీసుకోవద్దు. వండుకోవద్దు. ముందే వండిపెట్టిన ఆహారంపై దర్భ గడ్డి/తులసి ఆకులు వేసి ఉంచాలి. లేదంటే కలుషితం అవుతుంది. గ్రహణ సమయంలో శుభకార్యాలు, పూజలు వద్దు. SEP 8, 1.26AMకి గ్రహణం ముగుస్తుంది. ఆ తర్వాత దానాలు చేస్తే విశిష్టమైన ఫలితాలు లభిస్తాయి’ అని సూచిస్తున్నారు.
News September 7, 2025
US, చైనాలో ఇండియా దేనికి క్లోజ్? నిర్మల ఏమన్నారంటే?
కేంద్ర ప్రభుత్వం దేశ ప్రజల భద్రత, శ్రేయస్సుకే ప్రాధాన్యం ఇస్తుందని కేంద్ర మంత్రి నిర్మలా సీతారామన్ తెలిపారు. ప్రపంచ దేశాలతో భారత సంబంధాలపై ఆమె మాట్లాడారు. US, చైనాలో IND దేనికి క్లోజ్ అని ఎదురైన ప్రశ్నకు బదులిస్తూ ‘IND అంతటా స్నేహితుల్ని కోరుకుంటుంది. Quad, BRICS, RIC మూడింట్లో ఉంటుంది. కానీ నిర్ణయాలు స్వతంత్రంగా తీసుకుంటుంది’ అని స్పష్టం చేశారు. GST స్లాబ్స్ మార్పునకు US టారిఫ్స్ కారణం కాదన్నారు.