News August 9, 2024

ఏపీకి రూ.2,300 కోట్ల ‘ఉపాధి’ బకాయిలు విడుదల

AP: జాతీయ గ్రామీణ ఉపాధి హామీ పథకంలో ఏపీకి 3 నెలల బకాయిలు రూ.2,300 కోట్లను కేంద్రం విడుదల చేసింది. త్వరలోనే కూలీల ఖాతాల్లో రాష్ట్ర ప్రభుత్వం జమ చేయనుంది. దీంతో మే నుంచి వేతనాలు చెల్లించకపోవడంతో అవస్థలు పడుతున్న కూలీలకు ఊరట కలగనుంది. ఏపీకి కేటాయించిన 15 కోట్ల పనిదినాలు జూన్ నెలాఖరుకే పూర్తికావడంతో డిప్యూటీ సీఎం పవన్ విజ్ఞప్తి మేరకు మరో 6.50 కోట్ల పనిదినాలకు కేంద్రం ఆమోదం తెలిపిన విషయం తెలిసిందే.