News February 5, 2025
రాష్ట్రంలో ఆర్టీసీ బోర్డు ఏర్పాటు
AP: 17 మంది సభ్యులతో RTCకి బోర్డును ఏర్పాటు చేస్తూ రాష్ట్ర ప్రభుత్వం నోటిఫికేషన్ విడుదల చేసింది. ఛైర్మన్ కొనకళ్ల సహా ఆరుగురు సభ్యులు, 11 మంది అధికారులతో బోర్డు ఏర్పాటు చేస్తున్నట్లు వెల్లడించింది. RTC ఎండీ, ఆర్థిక, రవాణా, జీఏడీ అధికారులు ఈ బోర్డులో భాగం కానున్నారు. ఆర్టీసీ బోర్డులో కేంద్రం నుంచి ప్రాతినిధ్యం వహించేలా అధికారులను నియమించారు.
Similar News
News November 29, 2025
నాలుగు సార్లు ఎమ్మెల్యే.. ఆ తర్వాత సర్పంచ్
TG: పంచాయతీ ఎన్నికల సందడి నెలకొన్న వేళ మాజీ ఎమ్మెల్యే ఉప్పల మల్సూర్ గురించి చర్చ జరుగుతోంది. సూర్యాపేట(D) సిరికొండకు చెందిన ఆయన ఉమ్మడి ఏపీలో నాలుగు సార్లు సూర్యాపేట MLAగా గెలిచారు. అనంతరం 1995లో తన సొంతూరులో సర్పంచ్‌గా ఏకగ్రీవంగా ఎన్నికయ్యారు. గ్రామస్థులంతా కలిసి ఒప్పించి మరీ ఆయనను సర్పంచ్‌ను చేశారు. 4 సార్లు MLAగా చేసిన తర్వాత సర్పంచ్‌గా సేవలందించిన వ్యక్తిగా మల్సూర్ చరిత్రలో నిలిచారు.
News November 29, 2025
ఈ జిల్లాలకు ఫ్లాష్ ఫ్లడ్స్ అలర్ట్
AP: శ్రీలంక తీరంలో ఏర్పడిన దిత్వా తుఫాను ఉత్తర వాయవ్య దిశగా కదులుతోంది. రేపు తెల్లవారుజామునకు తీవ్ర వాయుగుండంగా TN, పుదుచ్చేరి, ద.కోస్తా తీరాలకు చేరే అవకాశముంది. దీని ప్రభావంతో ఇవాళ మధ్యాహ్నం నుంచి కోస్తాలో తీరం వెంబడి గంటకు 50కి.మీ. వేగంతో గాలులు వీచే అవకాశముందని వాతావరణ శాఖ పేర్కొంది. రాగల 24 గంటల్లో నెల్లూరు, రాయలసీమలోని కడప, చిత్తూరు జిల్లాల్లో ఫ్లాష్ ఫ్లడ్స్ హెచ్చరికలు జారీ చేశారు.
News November 29, 2025
కాంగ్రెస్ నాటకం కర్ణాటకకు సిగ్గుచేటు: కేంద్రమంత్రి
కర్ణాటక కాంగ్రెస్‌లో కొనసాగుతున్న అధికార పోరుపై కేంద్రమంత్రి HD కుమారస్వామి తీవ్రస్థాయిలో విమర్శలు గుప్పించారు. ప్రజలను మోసం చేస్తూ కాంగ్రెస్ నాటకం ఆడుతోందని.. ఇది రాష్ట్రానికి సిగ్గుచేటని అన్నారు. సీఎం సిద్దరామయ్య, డిప్యూటీ సీఎం DK శివకుమార్ మధ్య గత కొంతకాలంగా వివాదం నెలకొన్న విషయం తెలిసిందే. DKకు సీఎం పదవి ఇవ్వాలని ఆయన అనుచరులు డిమాండ్ చేస్తున్నారు. ఈ నేపథ్యంలో ఇద్దరు నేతలు నేడు <<18419745>>భేటీ<<>> అయ్యారు.