News November 5, 2024
సీనియర్ల భవిష్యత్ ఆస్ట్రేలియాలో తేలిపోతుంది: గవాస్కర్
ఆస్ట్రేలియా పర్యటనలో సీనియర్లు రోహిత్ శర్మ, విరాట్ కోహ్లీ భవితవ్యం తేలిపోతుందని క్రికెట్ దిగ్గజం సునీల్ గవాస్కర్ అన్నారు. వారికి ఆ టూర్ అగ్ని పరీక్ష లాంటిదేనని అభిప్రాయపడ్డారు. ‘సీనియర్ల బ్యాటింగ్ టెక్నిక్‌లో ఎలాంటి తప్పులు లేవు. కానీ 10, 12 ఓవర్లకు మించి ఆడలేకపోతున్నారు. బ్యాటింగ్ చేసేటప్పుడు కొంచెం సహనంతో ఉండాలి. మళ్లీ వారి బ్యాట్ నుంచి పరుగులు రాలడం చూడాలనుకుంటున్నా’ అని ఆయన పేర్కొన్నారు.
Similar News
News December 2, 2024
ఎల్లుండి ప్రోబా-3 ప్రయోగం
ఈ నెలలో ఇస్రో 2 ప్రయోగాలను చేపట్టనుంది. PSLV C59 రాకెట్ ద్వారా ESAకు చెందిన ప్రోబా-3 అనే శాటిలైట్‌ను 4వ తేదీన సా.4.08 గంటలకు ప్రయోగించనుంది. దీనిద్వారా సూర్యుడి వాతావరణంలోని బయటి, అత్యంత వేడిపొర అయిన సోలార్‌ కరోనాను అధ్యయనం చేయనుంది. స్పెయిన్, పోలాండ్, బెల్జియం, ఇటలీ శాస్త్రవేత్తలు ఇందులో పాల్గొననున్నారు. అలాగే 24వ తేదీన రిశాట్-1B సహా నాలుగు వాణిజ్యపరమైన ఉపగ్రహాలను ఇస్రో అంతరిక్షంలోకి పంపనుంది.
News December 2, 2024
పరువు హత్య.. మహిళా కానిస్టేబుల్‌ను నరికి చంపిన తమ్ముడు!
TG: రంగారెడ్డి జిల్లా ఇబ్రహీంపట్నంలో పరువు హత్య కలకలం రేపింది. హయత్‌నగర్ పోలీస్ స్టేషన్‌లో కానిస్టేబుల్‌గా పనిచేస్తున్న నాగమణిని సొంత సోదరుడు పరమేశ్ దారుణంగా హత్య చేశాడు. ఇటీవల ఆమె ప్రేమించి, పెళ్లి చేసుకోవడంతో కుటుంబీకులు ఆగ్రహంతో ఉన్నారు. ఈక్రమంలోనే ఇవాళ ఉదయం డ్యూటీకి వెళ్లొస్తున్న నాగమణిని రాయపోలు-మన్నెగూడ మార్గంలో పరమేశ్ కారుతో ఢీకొట్టాడు. అనంతరం ఆమెను కత్తితో నరికి చంపాడు.
News December 2, 2024
వడ్డించే వాడు మనవాడయితే..
ప్రపంచ పెద్దన్న అమెరికా రాజకీయాల్లోనూ బంధుప్రీతి పరిఢవిల్లుతోంది. త్వరలో అధ్యక్షుడయ్యే డొనాల్డ్ ట్రంప్ తన కూతురు టిఫానీ మామను పశ్చిమాసియా సలహాదారుగా నియమించారు. ఇజ్రాయెల్‌కు USA మద్దతుతో గుర్రుగా ఉన్న అరబ్ అమెరికన్ ఓటర్లను ట్రంప్ వైపు ఈ వియ్యంకుడు మసాద్ బౌలోస్ మళ్లించారు. ఇక త్వరలో గద్దె దిగే జో బైడెన్ తన కుమారుడు <<14766211>>హంటర్‌పై<<>> గల అక్రమ ఆయుధాలు, IT కేసుల్లో క్షమాభిక్ష ప్రసాదించడం తెలిసిందే.