News January 7, 2025
ఇంగ్లండ్తో సిరీస్.. బుమ్రాకు రెస్ట్!
ఈనెల 22 నుంచి ఇంగ్లండ్ ప్రారంభమయ్యే సిరీస్కు భారత స్టార్ పేసర్ బుమ్రాకు రెస్ట్ ఇవ్వనున్నట్లు తెలుస్తోంది. అతడిపై విపరీతమైన పనిభారం పడటమే అందుకు కారణం. గత 4 నెలల్లో బుమ్రా 10 టెస్టులు ఆడారు. BGTలో మొత్తం 150 ఓవర్లు వేయగా.. మెల్బోర్న్ టెస్టులోనే 53.2 ఓవర్లు బౌలింగ్ చేశారు. ఇప్పటికే బుమ్రా AUSతో చివరి టెస్ట్లో గాయపడ్డారు. దీంతో ఛాంపియన్స్ ట్రోఫీకి సిద్ధమయ్యేందుకు అతడికి విశ్రాంతి ఇవ్వనున్నారు.
Similar News
News January 22, 2025
ఆయుష్మాన్ భారత్కు ‘ఆప్’ద అడ్డంకులు: మోదీ
ఆమ్ఆద్మీ వంచన, అబద్ధాలకు శీశ్మహలే పెద్ద ఉదాహరణ అని PM మోదీ అన్నారు. ఢిల్లీ BJP కార్యకర్తలతో మాట్లాడారు. ‘ఉచిత వైద్యం అందించే ఆయుష్మాన్ భారత్ను అమలు చేయాలని ‘ఆప్’ద మనుషుల్ని కోరాం. కానీ వాళ్లు ఒప్పుకోలేదు. ఎన్నో ప్రయోజనాలున్న ఈ స్కీమ్ అమలుకు ఆప్ద అడ్డంకులు సృష్టించింది. భారత ఎకానమీకి మిడిల్క్లాసే వెన్నెముకని బీజేపీ భావిస్తుంది. వారి ఆశలు, ఆశయాలను మనం అర్థం చేసుకున్నాం’ అని అన్నారు.
News January 22, 2025
9 ఏళ్లకే పెళ్లిని అనుమతించేలా చట్టం తెచ్చారు
ఆచారాలకు ప్రాధాన్యత అంటూ కొత్త చట్టాలతో విమర్శల పాలవుతున్న ఇరాక్ పాలకులు మరో వివాదాస్పద బిల్ పాస్ చేశారు. దీంతో గతంలో 18సం.గా ఉన్న అమ్మాయిల కనీస వివాహ వయస్సు నిబంధన మారనుంది. మతంలోని ఒక తెగ/వర్గం నిబంధనల ప్రకారం పెళ్లి చేయొచ్చు. అక్కడ షియత్లు ఎక్కువగా అనుసరించే జాఫరీ ఇస్లామిక్ లా ప్రకారం 9 ఏళ్ల బాలికకూ పెళ్లి చేయొచ్చు. దీంతో మహిళల జీవితాలు ప్రమాదంలో పడతాయని ప్రతిపక్షం ఆందోళన వ్యక్తం చేస్తోంది.
News January 22, 2025
Stock Markets: రిలీఫ్ ర్యాలీతో ఇన్వెస్టర్లు ఖుష్..
స్టాక్మార్కెట్లు నేడు లాభాల్లో ముగిశాయి. గ్లోబల్ మార్కెట్ల నుంచి సానుకూల సంకేతాలు రావడం, విలువైన షేర్లు ఆకర్షణీయమైన ధరల్లో లభిస్తుండటంతో ఇన్వెస్టర్లు కొనుగోళ్లు చేపట్టారు. నిఫ్టీ 23,155 (+130), సెన్సెక్స్ 76,404 (+566) వద్ద క్లోజయ్యాయి. IT, ఫార్మా, హెల్త్కేర్, ఫైనాన్స్ షేర్లు పుంజుకున్నాయి. రియాల్టి షేర్లు రక్తమోడాయి. విప్రో, ఇన్ఫీ, టీసీఎస్, టెక్ఎం, హెచ్డీఎఫ్సీ బ్యాంకు టాప్ గెయినర్స్.