News March 18, 2024
కడప నుంచి షర్మిల పోటీ?
AP: రాష్ట్ర కాంగ్రెస్ చీఫ్ వైఎస్ షర్మిల వచ్చే ఎన్నికల్లో కడప లోక్సభ స్థానం నుంచి పోటీ చేయనున్నారట. కడప నుంచి పోటీ చేయాలని ఆమెకు పార్టీ అధిష్ఠానం సూచించినట్లు సమాచారం. రాష్ట్రంలోని పలువురు సీనియర్ నేతలూ ఈసారి ఎన్నికల బరిలోకి దిగనున్నట్లు పార్టీ వర్గాలు చెబుతున్నాయి. ఎన్నికల షెడ్యూల్ విడుదలవడంతో అభ్యర్థుల ఎంపికపై కాంగ్రెస్ కసరత్తు చేస్తోంది. ఈనెల 25న అభ్యర్థుల జాబితా విడుదల చేస్తారని సమాచారం.
Similar News
News January 19, 2026
ఎన్నికల షెడ్యూల్ ఎప్పుడైనా ఇవ్వండి.. SECకి సర్కార్ లేఖ
TG: మున్సిపల్ ఎన్నికల్లో రిజర్వేషన్లకు ఆమోదంపై రాష్ట్ర ఎన్నికల కమిషనర్కు ప్రభుత్వం తరఫున సీఎస్ లేఖ రాశారు. ఈ మేరకు క్యాబినెట్ ఆమోదం తెలిపిన రిజర్వేషన్ల జాబితాను SECకి పంపారు. దీంతో ఎన్నికలకు ప్రభుత్వం తరఫున ప్రక్రియ ముగిసింది. అటు ఎస్ఈసీ ఇప్పటికే డ్రాఫ్టు షెడ్యూల్ను సీఎంకు అందించింది. దీనికి ఆమోదం తెలిపినట్లు తెలుస్తోంది. ఈ క్రమంలో 3 రోజుల్లో ఎన్నికల షెడ్యూల్ విడుదలయ్యే అవకాశం ఉందని సమాచారం.
News January 19, 2026
వంటింటి చిట్కాలు
* కూరల్లో గ్రేవీ చిక్కబడాలంటే జీడిపప్పు పొడి, పాలు పోసి కలిపితే సరిపోతుంది.
* డీప్ ఫ్రై చేసేటప్పుడు నూనె పొంగకుండా ఉండాలంటే కాగిన నూనెలో కాస్త చింతపండు వేయాలి. ఆ తర్వాత డీప్ ఫ్రై చేసినా నూనె పొంగదు.
* తరిగిన బంగాళదుంపలు రంగు మారకుండా ఉండాలంటే ఆ ముక్కలపై వెనిగర్ చల్లాలి.
* వంకాయ కూరలో కాస్త నిమ్మరసం చేర్చితే కూర రంగు మారదు, రుచి కూడా పెరుగుతుంది.
News January 19, 2026
న్యూజిలాండ్కు T20WC గెలిచే అవకాశాలు: వాన్
వచ్చే నెలలో జరిగే టీ20 వరల్డ్కప్ గెలిచే అవకాశాలు న్యూజిలాండ్కు ఎక్కువగా ఉన్నాయని ఇంగ్లండ్ మాజీ క్రికెటర్ మైఖేల్ వాన్ అంచనా వేశారు. ఆ జట్టులోని ప్లేయర్లకు ఆ సామర్థ్యం ఉందని అభిప్రాయపడ్డారు. కాగా ఈ నెల 21 నుంచి న్యూజిలాండ్ టీమ్ ఇండియాతో 5 టీ20ల సిరీస్ ఆడనుంది. ప్రస్తుతం టీ20ల్లో తొలి ర్యాంకులో భారత్ ఉండగా NZ 4వ ర్యాంకులో కొనసాగుతోంది. దీంతో WC ముందు ఈ సిరీస్ విజయం ఇరు జట్లకు కీలకమే.