News March 17, 2024
KKR క్యాంపులో చేరిన శ్రేయస్ అయ్యర్
కోల్‌కతా నైట్‌రైడర్స్ కెప్టెన్ శ్రేయస్ అయ్యర్ ఆ జట్టుతో చేరారు. కోల్‌కతాలోని ఈడెన్ గార్డెన్స్‌లో ఏర్పాటు చేసిన ట్రైనింగ్ క్యాంపులో అయ్యర్ అడుగు పెట్టారు. కాగా అయ్యర్ ఇటీవల వెన్నునొప్పి గాయంతో సతమతమవుతున్నారు. ఇంగ్లండ్‌తో సిరీస్ మధ్యలో గాయంతో వైదొలిగారు. అనంతరం ముంబై తరఫున రంజీల్లో ఆడారు. మళ్లీ వెన్నునొప్పితో బాధపడ్డారు. ప్రస్తుతం అతడు IPLలో ఆడేది కూడా అనుమానమేనని విశ్లేషకులు అంచనా వేస్తున్నారు.
Similar News
News October 7, 2024
DMK vs పవన్ కళ్యాణ్
డీఎంకే, పవన్ కళ్యాణ్ అభిమానులకు మధ్య సోషల్ మీడియాలో వార్ జరుగుతోంది. ఇటీవల తిరుపతి పర్యటనలో పవన్ కళ్యాణ్ సనాతన ధర్మం గురించి మాట్లాడటం, ఉదయనిధి స్టాలిన్‌కు కౌంటర్ వేయడంపై డీఎంకే ఫ్యాన్స్ ఫైరవుతున్నారు. బీజేపీ, అన్నాడీఎంకే కోసం పవన్ రాజకీయాలు చేస్తున్నారని విమర్శిస్తున్నారు. మరోవైపు పవన్‌పై అడ్వకేటుతో ఫిర్యాదు చేయించడం, ప్రకాశ్ రాజ్‌‌తో ట్వీట్లు పెట్టించడం DMK పనేనని జనసైనికులు ఆరోపిస్తున్నారు.
News October 7, 2024
రూ.14వేల ఇసుక రూ.21వేలకు చేరింది: బొత్స
AP: రాష్ట్రంలో ఇసుక కొరతతో ప్రజలు ఇబ్బంది పడుతున్నారని, పని లేక కార్మికుల పరిస్థితి అగమ్యగోచరంగా తయారైందని ఎమ్మెల్సీ బొత్స సత్యనారాయణ అన్నారు. జగన్ హయాంలో విశాఖలో 10 టన్నుల ఇసుక రూ.14వేలకు దొరికేదని, ప్రస్తుతం అది రూ.21వేలకు చేరిందని విమర్శించారు. కూటమి పాలనలో నిత్యావసర వస్తువుల ధరలు విపరీతంగా పెరిగాయని ఫైరయ్యారు. విశాఖ స్టీల్ ప్లాంట్ ప్రైవేటీకరణ నిర్ణయాన్ని చంద్రబాబు, పవన్ ఆపాలని డిమాండ్ చేశారు.
News October 7, 2024
మూడు పూటల కష్టం.. ఫలితం 33 పైసలు
వినియోగదారులు చెల్లించే ధరలో కూరగాయలు, పండ్ల రైతులు 30% మాత్రమే పొందుతున్నారని RBI ఓ రిపోర్టులో పేర్కొంది. అంటే మనం KG ₹100కు కొంటే వారికి ₹30 దక్కుతోంది. మిగతాది దళారులు, టోకు వర్తకులు, రిటైల్ వ్యాపారులు వంటి వారికి వెళ్తోంది. కొన్ని పంటలు చూస్తే టమాటాలకు 33%, ఆలూ- 37%, అరటి- 31%, మామిడి: 43%, ద్రాక్ష: 35% చొప్పున శ్రమజీవికి చెందుతోంది. ఇక డెయిరీ, గుడ్ల రైతులకు మాత్రం ఇది 70%, 75% కావడం గమనార్హం.