News June 21, 2024

గణనీయంగా పెరిగిన దుర్గగుడి రోజువారీ ఆదాయం: ఈవో

AP: విజయవాడలోని దుర్గామల్లేశ్వర స్వామి ఆలయానికి రోజువారీ ఆదాయం రికార్డు స్థాయిలో పెరిగిందని ఈవో కేఎస్ రామారావు తెలిపారు. 16 రోజుల హుండీ ఆదాయం లెక్కించగా రూ.3,23,75,523 లభించినట్లు తెలిపారు. సగటున రోజుకు రూ.20,23,470లు కానుకల రూపంలో వచ్చాయని పేర్కొన్నారు. బంగారం 694 గ్రాములు, వెండి 6కిలోల 264 గ్రాములు వచ్చాయన్నారు. ఆన్‌లైన్ ఈ హుండీ ద్వారా రూ.59,380ల ఆదాయం సమకూరినట్లు చెప్పారు.