News November 11, 2024
సింహం సింగిల్గా రావడం అంటే ఇది: హోంమంత్రి అనిత

AP: జగన్ ఎన్ని ఇబ్బందులు పెట్టినా చంద్రబాబు అసెంబ్లీకి వెళ్లారని, సింహం సింగిల్గా రావడం అంటే అదేనని హోంమంత్రి అనిత అన్నారు. ‘ఎమ్మెల్యేలను లాగేశావ్. బూతే సిగ్గుపడేలా బూతులు తిట్టించావ్. ప్రతిపక్ష నేతలను సస్పెండ్ చేయించావ్. అయినా చంద్రబాబు సాకులు చెప్పలేదు. ఒక్కడిగా వచ్చారు. అదీ ధైర్యం అంటే. ఎవరు సింహమో.. ఎవరు మేకవన్నెపులో వేరే చెప్పాలా? ఎనీ డౌట్స్?’ అని చంద్రబాబు పాత ఫొటోను ట్వీట్ చేశారు.
Similar News
News November 30, 2025
నేడు సూర్యుడిని పూజిస్తే చాలా మంచిది: పండితులు

ఆరోగ్యం ఉంటే అన్నీ ఉన్నట్లే. అలాంటి ఆరోగ్యానికి అధిపతి సూర్యుడు. ఆయనకు ప్రియమైన ఆదివారం రోజున భాస్కర పూజ చేస్తే.. ఆరోగ్యంతో పాటు ఐశ్వర్యాన్ని ప్రసాదిస్తాడని పండితులు చెబుతున్నారు. ‘మనకు ప్రత్యక్షంగా కనబడే దేవుడు సూర్యుడు. ఆయన అల్ప సంతోషి. కేవలం చేతులెత్తి మొక్కినా అనుగ్రహిస్తాడు. నేడు భానుడి 12 పేర్లు చదవాలి’ అని సూచిస్తున్నారు. ☞ భాస్కర పూజా విధానం, ఫలితాల కోసం <<-se_10013>>భక్తి కేటగిరీ<<>>కి వెళ్లండి.
News November 30, 2025
భాస్కరుడిని ఇలా పూజిస్తే ఆరోగ్యం, ఐశ్వర్యం..

సూర్యోదయానికి ముందే నిద్రలేచి స్నానం చేయాలి. సూర్య కిరణాలు పడే వాకిలిపై రాగి పాత్రతో కల్లాపు చల్లి, ముగ్గు వేయాలి. ముగ్గు మధ్యలో పసుపు, కుంకుమ వేసి అందులోకి సూర్యుని ఆవాహన చేయాలి. పరమాన్నాన్ని నైవేద్యంగా పెట్టాలి. ఆవు నెయ్యితో ఇంటి ముందు దీపం వెలిగించడం శుభ సూచకం. ఇలా 5 లేదా 11 వారాలు చేస్తే కోరిన కోర్కెలు నెరవేరుతాయని, ఆరోగ్యం, ఐశ్వర్యం పొందుతారని పండితులు చెబుతున్నారు.
News November 30, 2025
భారీగా పడిపోయిన ధరలు

AP: కొబ్బరి ధరలు భారీగా పతనమవుతున్నాయి. కోనసీమ జిల్లా అంబాజీపేట మార్కెట్లో 1,000 పచ్చికాయల ధర రూ.14 వేలకు పడిపోయింది. అదే 2 నెలల కిందట రూ.28 వేల వరకు పలికింది. దీపావళి, కార్తీక మాసం ముగియడం, రెండు నెలల పాటు ఉండే శుక్రమౌఢ్యమి ప్రారంభమవడం వల్ల ఎగుమతులు తగ్గిపోయి ధరలు పడిపోయాయి. అలాగే తమిళనాడు, కేరళలో దిగుబడులు పెరగడంతో డిమాండ్ తగ్గిందని, ఫలితంగా ధరలు క్షీణించాయని స్థానిక వ్యాపారులు చెబుతున్నారు.


