News August 3, 2024
‘గూఢచారి-2’ నుంచి ఆరు క్రేజీ స్టిల్స్
వినూత్న సినిమాలతో ప్రేక్షకులకు దగ్గరైన యంగ్ హీరో అడివి శేష్ నటిస్తోన్న ‘గూఢచారి-2’ కోసం ఫ్యాన్స్ ఎదురుచూస్తున్నారు. ఈక్రమంలో ‘గూఢచారి’ రిలీజై ఆరేళ్లు పూర్తవుతున్న సందర్భంగా ‘GA2’ నుంచి ఆరు క్రేజీ స్టిల్స్ను మేకర్స్ రిలీజ్ చేశారు. ప్రస్తుతం చిత్రీకరణలో ఉన్న ఈ మూవీ వచ్చే ఏడాది థియేటర్లలో రిలీజ్ కానున్నట్లు మేకర్స్ ప్రకటించారు. ఈ మూవీని వినయ్ కుమార్ సిరిగినీడి తెరకెక్కిస్తున్నారు.
Similar News
News September 12, 2024
లేఆఫ్లు కొనసాగుతాయంటున్న ‘డెల్’
తమ సంస్థలో ఉద్యోగుల తొలగింపు ప్రక్రియ కొనసాగుతుందని ప్రముఖ టెక్ కంపెనీ డెల్ తెలిపింది. పర్సనల్ కంప్యూటర్లకు డిమాండ్ పెరగకపోవడం, ఏఐ కోసం ఆప్టిమైజ్ చేసిన సర్వర్ల అమ్మకాలు లాభదాయకంగా లేవన్న ఆందోళనల నేపథ్యంలో ఈ నిర్ణయం తీసుకుంటున్నట్లు పేర్కొంది. ఖర్చుల నియంత్రణ కోసం లేఆఫ్లు తప్పవని చెప్పింది. కాగా గత నెలలో డెల్ కంపెనీ 12,500 మందికి పైగా ఉద్యోగులను ఇంటికి పంపింది.
News September 12, 2024
ఒకే టీమ్లో కోహ్లీ, బాబర్ అజామ్?
త్వరలో టీమ్ ఇండియా బ్యాటర్ విరాట్ కోహ్లీ, పాకిస్థాన్ కెప్టెన్ బాబర్ అజామ్ కలిసి ఆడే అవకాశాలు కనిపిస్తున్నాయి. ఆఫ్రో-ఆసియా కప్ను ICC తిరిగి పునరుద్ధరించనున్నట్లు సమాచారం. ఇదే జరిగితే ఆసియా జట్టు తరఫున కోహ్లీ, రోహిత్, బాబర్, బుమ్రా, అఫ్రీది, రిజ్వాన్ వంటి ఆటగాళ్లు కలిసి ఆడనున్నారు. గతంలో ఆసియా జట్టులో సెహ్వాగ్, అఫ్రీది, సంగక్కర, జయవర్ధనే, ఇంజమామ్, నెహ్రా, జహీర్ ఖాన్, షోయబ్ అక్తర్ కలిసి ఆడారు.
News September 12, 2024
‘కాంచన 4’లో పూజా హెగ్డే?
హీరో, డైరెక్టర్ రాఘవ లారెన్స్ తెరకెక్కించనున్న ‘కాంచన 4’ మూవీలో పూజా హెగ్డే నటించనున్నట్లు తెలుస్తోంది. ఇప్పటికే ఆమెను మేకర్స్ సంప్రదించగా ఓకే చెప్పినట్లు సమాచారం. దీనిపై అధికారిక ప్రకటన రావాల్సి ఉంది. కాగా కాంచన సిరీస్లో ఇప్పటికే ముని, కాంచన 2, గంగా చిత్రాలు వచ్చాయి. ప్రస్తుతం తెరకెక్కబోయే కాంచన 4ను రూ.100 కోట్ల బడ్జెట్తో గోల్డ్ మైన్ మూవీస్ రూపొందించనున్నట్లు తెలుస్తోంది.