News March 5, 2025
స్మగ్లింగ్ చేయాలని కొందరు బెదిరించారు: రన్య
కన్నడ నటి రన్యారావు బంగారం <<15652905>>స్మగ్లింగ్ కేసులో<<>> కొత్త విషయాలు వెలుగులోకి వచ్చాయి. స్మగ్లింగ్ చేయాలని కొందరు తనను బెదిరించారని ఆమె పోలీసులతో చెప్పినట్లు తెలుస్తోంది. ఇవాళ అధికారులు రన్య ఇంట్లో తనిఖీలు చేయగా మరో రూ.2కోట్ల విలువైన బంగారు నగలు, రూ.2 కోట్ల నగదు లభ్యమయ్యాయి. ఈ ఏడాదిలోనే ఆమె 10 సార్లు దుబాయ్ వెళ్లినట్లు గుర్తించారు. ఆమె సవతి తండ్రి రామచంద్రరావు కర్ణాటక డీజీపీగా పని చేస్తున్నారు.
Similar News
News March 22, 2025
IPL-2025: డూడుల్ మార్చిన గూగుల్
అతిపెద్ద ఫ్రాంచైజ్ క్రికెట్ పండుగ IPL ఈ రోజు ప్రారంభం కానుండటంతో ‘గూగుల్’ ప్రత్యేక డూడుల్‌ని ఆవిష్కరించింది. డూడుల్‌ను క్రికెట్ పిచ్‌గా మార్చేసి, రెండు డక్స్ ఆడుతున్నట్లు చూపించింది. కాగా, కోల్‌కతాలోని ఈడెన్ గార్డెన్స్‌లో ఈరోజు KKR, RCB మధ్య తొలి మ్యాచ్ జరగనుంది. ఈ జట్ల మధ్య ఇప్పటివరకు 34 మ్యాచులు జరగ్గా KKR 20, RCB 14 మ్యాచ్‌లు గెలిచాయి. నేటి మ్యాచ్‌లో గెలుపెవరిది అనుకుంటున్నారో కామెంట్ చేయండి.
News March 22, 2025
ప్రారంభమైన అఖిలపక్ష సమావేశం
డీలిమిటేషన్‌పై చెన్నైలో అఖిలపక్ష సమావేశం ప్రారంభమైంది. డీఎంకే చీఫ్, తమిళనాడు సీఎం స్టాలిన్ అధ్యక్షతన జరుగుతున్న ఈ భేటీకి తెలంగాణ సీఎం రేవంత్ రెడ్డి, టీపీసీసీ చీఫ్ మహేశ్ కుమార్, బీఆర్ఎస్ వర్కింగ్ ప్రెసిడెంట్ కేటీఆర్, కేరళ సీఎం విజయన్, కర్ణాటక డిప్యూటీ సీఎం డీకే శివకుమార్, పంజాబ్ సీఎం మాన్ తదితరులు హాజరయ్యారు. వారిని స్టాలిన్ సత్కరించారు. సమావేశానికి బెంగాల్ సీఎం మమత గైర్హాజరయ్యారు.
News March 22, 2025
రేషన్ షాపుల్లో సన్నబియ్యం.. UPDATE
TG: పేదలకు రేషన్ షాపుల్లో సన్నబియ్యం పంపిణీ పథకాన్ని ప్రారంభించడానికి వేదిక ఖరారైంది. ఉగాది రోజున సూర్యాపేటలోని మట్టపల్లి ఆలయం నుంచి ఈ పథకాన్ని సీఎం రేవంత్ రెడ్డి ప్రారంభించనున్నారు. దీని ద్వారా 2 కోట్ల మందికి పైగా లబ్ధిదారులు 6కేజీల చొప్పున సన్నబియ్యం అందుకోనున్నారు. కాగా ఏప్రిల్ 1 నుంచి రాష్ట్రవ్యాప్తంగా అన్ని రేషన్ షాపుల్లో సన్నబియ్యం ఇవ్వనున్నారు.