News October 31, 2024
భారత్ పర్యటనకు సౌతాఫ్రికా టీమ్ ఎంపిక
టీమ్ ఇండియాతో టీ20 సిరీస్ కోసం దక్షిణాఫ్రికా జట్టును ఎంపిక చేసింది. 16 మంది సభ్యులతో కూడిన టీమ్‌కు ఎయిడెన్ మార్క్రమ్ సారథ్యం వహిస్తారు. జట్టు: మార్క్రమ్ (C), కొయెట్జీ, డొనొవన్, రీజా, జాన్సెన్, క్లాసెన్, క్రూగర్, మహరాజ్, మిల్లర్, మపాంగ్వనా, పీటర్, రికెల్‌టన్, ఆండీ సైమ్‌లేన్, సిపామ్లా, ట్రిస్టన్ స్టబ్స్, బార్ట్‌మాన్. కాగా ఇరు జట్ల మధ్య వచ్చే నెల 8 నుంచి 4 మ్యాచ్‌ల టీ20 సిరీస్ ప్రారంభం కానుంది.
Similar News
News November 17, 2024
ఈనెల 20న వేములవాడకు సీఎం రేవంత్
TG: సీఎం రేవంత్ రెడ్డి ఈనెల 20న రాజన్న సిరిసిల్ల జిల్లాలో పర్యటించనున్నారు. వేములవాడ రాజన్నను దర్శించుకున్న అనంతరం రాజన్న ఆలయ గుడి చెరువు మైదానంలో నిర్వహించనున్న బహిరంగ సభలో ప్రసంగిస్తారు. వేములవాడ ఆలయం, జిల్లా సమగ్ర అభివృద్ధే ధ్యేయంగా సీఎం పర్యటన ఉంటుందని ప్రభుత్వ విప్ ఆది శ్రీనివాస్ తెలిపారు. సీఎం పర్యటనకు సంబంధించిన ఏర్పాట్లను ఆయన పరిశీలించారు. కాగా ఎల్లుండి వరంగల్‌లో సీఎం పర్యటించనున్నారు.
News November 17, 2024
ఆ రెండింటికి తేడా తెలియకుండానే ఐదేళ్లు పాలించారు: హోంమంత్రి
AP: YCP హయాంలో మహిళల అక్రమ రవాణా జరగలేదని <<14629630>>రోజా చేసిన ట్వీట్‌పై<<>> హోంమంత్రి అనిత స్పందించారు. ‘వ్యక్తిగత, మానసిక కారణాలతో కనపడకుండా పోతే అది మిస్సింగ్. ఉచ్చువేసి క్రయవిక్రయాలు జరిపి కనిపించకుండా మాయం చేస్తే అది హ్యుమన్ ట్రాఫికింగ్. ఈ రెండింటికి తేడా తెలియకుండానే గత ఐదేళ్లు పాలించారు. అవినీతి తప్ప ప్రజాక్షేమం ఏమాత్రం పట్టని ఇలాంటి వారు పరిపాలించడం ప్రజల పాలిట దౌర్భాగ్యం’ అని ట్వీట్ చేశారు.
News November 17, 2024
నేడు, రేపు గ్రూప్-3 పరీక్షలు.. సూచనలివే!
TG: ఇవాళ, రేపు గ్రూప్-3 పరీక్షలు జరగనుండగా, అభ్యర్థులకు TGPSC పలు సూచనలు చేసింది.
➤ఒరిజినల్ ఐడీతో పరీక్షకు రావాలి.
➤ఎగ్జామ్‌కు గంట ముందు పరీక్ష కేంద్రానికి చేరుకోవాలి.
➤ఉ.9.30 తర్వాత, మ.2.30 తర్వాత పరీక్షకు అనుమతించరు.
➤అభ్యర్థులు పేపర్-1కు తీసుకొచ్చిన హాల్ టికెట్‌నే మిగతా పేపర్లకు తీసుకురావాలి.
➤నియామక ప్రక్రియ పూర్తయ్యే వరకూ హాల్‌టికెట్, ప్రశ్న పత్రాల్ని భద్రంగా పెట్టుకోవాలి.