News April 1, 2024
వానాకాలం ఆరంభంలోనే విత్తనాలు
TG: వానాకాలంలో వేయాల్సిన పంటలకు సీజన్ ఆరంభంలోనే అన్ని రకాల విత్తనాలు ఇవ్వనున్నట్లు వ్యవసాయశాఖ తెలిపింది. ఈమేరకు చర్యలు చేపడుతున్నట్టు వెల్లడించింది. రాష్ట్రంలో ఏటా వానాకాలం సీజన్లో దాదాపు 1.26కోట్ల ఎకరాల మేర పంటలు సాగవుతున్నాయి. మరోవైపు రాష్ట్రంలో కల్తీ విత్తనాల బెడద ఉంది. రబీ సీజన్లో 100కు పైగా కేసులు నమోదయ్యాయి. దీంతో కల్తీ విత్తనాల కట్టడిపై ప్రభుత్వం ఫోకస్ పెట్టింది.
Similar News
News April 11, 2026
ప్లూటోకు మళ్లీ గ్రహం హోదా దక్కనుందా?
నాసాకు ఓ 10 ఏళ్ల బాలిక రాసిన లేఖ అందరి దృష్టిని ఆకర్షిస్తోంది. ప్లూటోకు మళ్లీ ‘గ్రహం’ హోదా కల్పించాలని కోరుతూ కేలా అనే బాలిక నాసాకు లేఖ రాసింది. ‘ప్లూటో ఓ మరగుజ్జు గ్రహం. దానికి గ్రహం అయ్యే అర్హత ఉంది’ అని ఆమె పేర్కొంది. దీనిపై నాసా చీఫ్ స్పందిస్తూ.. తాము దీని గురించి ఆలోచిస్తున్నామని సానుకూలంగా బదులివ్వడం విశేషం.
News April 11, 2026
మైక్రోసైటిక్ అనీమియా గురించి తెలుసా?
మైక్రోసైటిక్ అనీమియా వల్ల శరీరంలో రక్త కణాల పరిమాణం తగ్గుతుంది. దీంతో శరీరంలో ఆక్సిజన్ తగ్గి అలసట, మైకము, గుండె వేగంగా కొట్టుకోవడం వంటి లక్షణాలు కనిపిస్తాయి. శరీరంలో ఎర్ర రక్త కణాల సంఖ్య తక్కువగా ఉన్నప్పుడు, శ్వాస తీసుకోవడంలో ఇబ్బంది కలగడమేకాకుండా అనేక తీవ్రమైన సమస్యలు తలెత్తుతాయి. ఐరన్ లోపం కారణంగా కూడా మైక్రోసైటిక్ అనీమియా తలెత్తే అవకాశం ఉంటుంది.
News April 11, 2026
మెకాన్ లిమిటెడ్లో 24 పోస్టులు
రెగ్యులర్ ప్రాతిపదికన 24 నాన్-ఎగ్జిక్యూటివ్ పోస్టుల భర్తీకి మెకాన్ లిమిటెడ్ దరఖాస్తులను ఆహ్వానిస్తోంది. అకౌంటెంట్ 14, HR-02, అడ్మినిస్ట్రేషన్-02, సెక్రటేరియల్ సర్వీస్-06 పోస్టులున్నాయి. ICAI/ ICMAIలో ఇంటర్మీడియట్, BBA పూర్తి చేసి, 28 ఏళ్లలోపు వారు అప్లై చేయొచ్చు. రాత పరీక్షతో అభ్యర్థులను ఎంపిక చేస్తారు. ఆన్లైన్ దరఖాస్తుకు చివరి తేదీ 6-5-26. మరిన్ని వివరాలకు meconlimited.co.in చూడండి.