News August 3, 2024
SPIRITUAL: శ్రీవైష్ణవ దివ్యక్షేత్ర వైభవం ‘శ్రీరంగం’
108 శ్రీవైష్ణవ దివ్యక్షేత్రాల్లో భవ్యమైనది తమిళనాడులోని శ్రీరంగం. విష్ణువు రంగనాథుడిగా ఇక్కడ కొలువున్నారు. శ్రీరామానుజులవారు ఎన్నో ఏళ్లు ఈ స్వామి సేవలో తరించారు. రాములవారు ఇచ్చిన రంగనాథ విగ్రహంతో లంకకు వెళ్తూ విభీషణుడు ఇక్కడ విశ్రాంతికి ఆగారట. బయలుదేరే సమయంలో మూర్తి ఎంతకూ కదలకపోవడంతో ఇక ఇక్కడే ఆలయాన్ని నిర్మించారని స్థల పురాణం. ఢిల్లీ సుల్తాన్ కుమార్తె స్వామిపై భక్తితో ఆయనలో ఐక్యమైందని చెబుతారు.
Similar News
News December 8, 2025
ఆ రెండు రోజులు స్కూళ్లకు సెలవులు!
TGలో పంచాయతీ ఎన్నికల సందడి కొనసాగుతోంది. ఈ నెల 11,14,17 తేదీల్లో ఎలక్షన్స్ జరగనున్నాయి. తొలి విడతలో 4,236, రెండో విడతలో 4,333, మూడో విడతలో 4,159 గ్రామాల్లో సర్పంచ్, వార్డు స్థానాలకు ఎన్నికలు జరగనున్నాయి. వీటి కోసం గ్రామాల్లోని స్కూళ్లలో పోలింగ్ కేంద్రాలను ఏర్పాటు చేయనున్నారు. 14న ఆదివారం కాగా 11,17న పోలింగ్ జరిగే స్కూళ్లకు సెలవులు ఇచ్చే అవకాశం ఉంది. దీనిపై త్వరలోనే ప్రకటన రావచ్చు.
News December 8, 2025
YCP కక్షపూరిత రాజకీయాలతో ఖజానాకు నష్టం: CM
AP: YCP కక్షపూరిత రాజకీయాలతో గతంలో ప్రజాధనం నష్టమైందని CM CBN విమర్శించారు. ‘PPAల రద్దుతో విద్యుత్ వాడకుండానే ₹9వేల కోట్లు కట్టాల్సి వచ్చింది. మూలధన వ్యయం లేక ప్రాజెక్టులు నిలిచిపోయాయి. ఆస్తుల్నే కాకుండా భవిష్యత్తు ఆదాయాన్నీ తాకట్టు పెట్టి అప్పులు తెచ్చారు. ఎంత కష్టమైనా సరే హామీలను నెరవేరుస్తున్నాం. ఆగిన పథకాలను పునరుద్ధరించాం’ అని CM వివరించారు. ఆర్థిక వ్యవస్థను గాడిలో పెడుతున్నట్లు తెలిపారు.
News December 8, 2025
ఈ సింప్టమ్స్ ఉంటే మహిళలకు గుండెపోటు ముప్పు
* డెంటల్ ప్రాబ్లమ్స్ లేదా టెంపోరోమాండిబ్యులర్ జాయింట్ సమస్య అనిపించేలా దవడ నొప్పి
* పుల్లటి త్రేన్పులు, తరచూ వికారంగా ఉండడం, వాంతులు.
* అజీర్ణ సమస్యలు. ఫుడ్ పాయిజన్ కారణమనే భావన.
* హార్ట్బీట్లో హెచ్చుతగ్గులు.
* వెన్నెముక పైన, భుజం బ్లేడ్ల మధ్యలో, బ్రెస్ట్ కింది భాగంలో నొప్పి.
* శారీరక శ్రమ లేకున్నా చెమటలు. శ్వాస తీసుకోవడంలో ఇబ్బందులు.
* ఈ సింప్టమ్స్ ఉంటే మహిళలకు గుండెపోటు ముప్పు