News July 13, 2024
30 రోజుల్లో రాష్ట్రం రావణకాష్ఠం: YCP
AP: సీఎం చంద్రబాబు సారథ్యంలో కూటమి ప్రభుత్వం నెలలో 30 కార్యక్రమాలు <<13615395>>చేపట్టినట్లు<<>> టీడీపీ చేసిన ట్వీట్‌పై వైసీపీ కౌంటర్ ఇచ్చింది. 30 రోజుల్లో రాష్ట్రం రావణకాష్ఠమైందని మండిపడింది. ‘అనకాపల్లిలో ఇద్దరు మహిళలపై దాడి, 9వ తరగతి బాలిక హత్య, టీడీపీ అక్రమ కేసులతో కళ్యాణదుర్గంలో తల్లీకూతుళ్ల ఆత్మహత్య, ముచ్చుమర్రిలో ఎనిమిదేళ్ల బాలికపై హత్యాచారం, డెక్కన్ క్రానికల్ ఆఫీసుపై దాడి’ తదితర 30 ఘటనలను పోస్టు చేసింది.
Similar News
News October 14, 2024
న్యూ లిక్కర్ పాలసీ.. ప్రారంభంలోనే రూ.2400 కోట్ల ఆదాయం
AP: మద్యం షాపులకు ఇవాళ జిల్లాల్లో కలెక్టర్ల ఆధ్వర్యంలో లాటరీ ప్రక్రియ నిర్వహించనున్నారు. షాపు దక్కించుకున్న వారు చెల్లించే తొలి విడత లైసెన్స్ రుసుముతో సుమారు రూ.300 కోట్ల ఆదాయం లభిస్తుంది. అలాగే వారం రోజులు సరకు కొనుగోలు ద్వారా మరో రూ.300 కోట్లకు పైగా వస్తుంది. ఇప్పటికే ఫీజుల రూపంలో ప్రభుత్వానికి రూ.1797.64 కోట్ల ఆదాయం లభించింది. మొత్తంగా నూతన పాలసీ ప్రారంభంలోనే రూ.2400 కోట్ల ఆదాయం సమకూరుతుంది.
News October 14, 2024
రేషన్ బియ్యం తింటే ఇన్ని లాభాలా?
రూపాయికే కిలో బియ్యం అనేసరికి అంతా చులకనగా చూస్తుంటారు. మార్కెట్‌లో దొరికే సన్న బియ్యంవైపు మొగ్గుచూపుతుంటారు. కానీ, రేషన్ బియ్యం తింటే పోషకాలు పుష్టిగా లభిస్తాయనే విషయం మీకు తెలుసా? ప్రజల్లో రక్తహీనత, విటమిన్ల లోపం ఉందని గుర్తించిన కేంద్రం.. పోషకాలతో కూడిన ఫోర్టిఫైడ్ బియ్యాన్ని అందిస్తోంది. ఐరన్, ఫోలిక్ యాసిడ్, విటమిన్ B12లను యాడ్ చేసిన బియ్యాన్ని 2028 DEC వరకు ఉచితంగా ఇవ్వనుంది.
SHARE IT
News October 14, 2024
సీఐడీకి జెత్వానీ కేసు
AP: ముంబై నటి కాదంబరీ జెత్వానీ కేసు దర్యాప్తును ఏపీ ప్రభుత్వం సీఐడీకి అప్పగించింది. ఇప్పటివరకు ఈ కేసును విజయవాడ పోలీసులు దర్యాప్తు చేయగా, ఆ ఫైళ్లన్నింటినీ సీఐడీకి అప్పగించాలని డీజీపీ తిరుమలరావు ఆదేశించారు. ఈ కేసులో సీనియర్ ఐపీఎస్ అధికారులు సీతారామాంజనేయులు, విశాల్ గున్నీ, కాంతిరాణాలను ప్రభుత్వం ఇప్పటికే సస్పెండ్ చేసింది.