News January 1, 2025
Stock Markets: న్యూఇయర్లో శుభారంభం
2025 మొదటి సెషన్లో బెంచ్మార్క్ సూచీలు భారీగా లాభపడ్డాయి. AUTO, MEDIA, CONSUMPTION షేర్లు దన్నుగా నిలవడంతో సెన్సెక్స్ 78,507 (+368), నిఫ్టీ 23,742 (+98) వద్ద ముగిశాయి. మెటల్, రియాల్టి మినహా అన్ని రంగాల సూచీలు ఎగిశాయి. MARUTI, M&M, LT, BAJAJFIN, TATAMOTORS టాప్ గెయినర్స్. HINDALCO, DRREDDY, ADANIPORTS, ONGC, TATASTEEL టాప్ లూజర్స్. ఫియర్ ఇండెక్స్ INDIA VIX 14.51 వద్ద ఉండటం అనిశ్చితిని సూచిస్తోంది.
Similar News
News January 22, 2025
CID మాజీ చీఫ్ సంజయ్పై క్రమశిక్షణ చర్యలు
AP: CID మాజీ చీఫ్ సంజయ్పై క్రమశిక్షణ చర్యలకు ప్రభుత్వం ఆదేశించింది. అగ్నిమాపకశాఖ డైరెక్టర్గా ఉన్నప్పుడు ట్యాబ్ల కొనుగోళ్లు, అగ్ని మొబైల్ యాప్ను జేబు సంస్థలకు కట్టబెట్టారని ఆయనపై ఆరోపణలున్నాయి. నిబంధనల ఉల్లంఘన, క్రమశిక్షణా రాహిత్యంపై నెల లోపు వివరణ ఇవ్వాలని CS విజయానంద్ డిసిప్లినరీ ప్రొసీడింగ్స్ జారీ చేశారు. వేర్వేరు అభియోగాలపై ఇప్పటికే సంజయ్ను ప్రభుత్వం సస్పెండ్ చేసింది.
News January 22, 2025
వింటర్లో వీటిని తినడం లేదా..?
చలికాలంలో కొన్ని ఆహార పదార్థాలు కచ్చితంగా తీసుకోవాలని ఆరోగ్య నిపుణులు చెబుతున్నారు. శీతాకాలంలో నారింజ, నిమ్మకాయ రసం తాగాలి. అలాగే చిలగడ దుంపలు, సలాడ్లు, చియా సీడ్స్, బాదం, జీడిపప్పు తీసుకోవాలి. ఆకుకూరలు, క్యారెట్, అల్లం, వెల్లుల్లి ఎక్కువగా తినాలి. కొన్ని కూరగాయలు, పప్పులు, మాంసంతో చేసిన సూప్ తీసుకుంటే శరీరం వెచ్చబడుతుంది. పాలకూర, బచ్చలికూర తీసుకుంటే శరీరానికి విటమిన్లు, ఖనిజాలు అందుతాయి.
News January 22, 2025
పౌరసత్వంపై ట్రంప్ నిర్ణయం: కోర్టులో పిటిషన్
జన్మతః పౌరసత్వంపై ట్రంప్ తీసుకున్న నిర్ణయంపై అమెరికాలోని న్యూ హ్యాంప్షైర్ డిస్ట్రిక్ కోర్టులో పిటిషన్ దాఖలైంది. ఇమ్మిగ్రెంట్స్ రైట్స్ అడ్వకేట్స్ అనే సంస్థ ఈ పిటిషన్ వేసింది. ట్రంప్ ప్రభుత్వం రాజ్యాంగాన్ని ఉల్లంఘిస్తోందని, ఇది అమెరికా ప్రతిష్ఠను దిగజార్చే ప్రయత్నమని పిటిషనర్లు పేర్కొన్నారు. రాజ్యాంగంలోని 14న సవరణ ప్రకారం అమెరికాలో పుట్టిన ప్రతి బిడ్డకు జన్మతః పౌరసత్వం లభిస్తుందని తెలిపారు.