News February 1, 2025
ఫ్లాట్గా ముగిసిన స్టాక్ మార్కెట్లు
స్వల్ప లాభాలతో ప్రారంభమైన భారత స్టాక్ మార్కెట్ సూచీలు చివరకు ఫ్లాట్గా ముగిశాయి. సెన్సెక్స్ ఈ ఉదయం 77,637.01(క్రితం 77,500.57) వద్ద స్వల్ప లాభాలతో ప్రారంభం కాగా బడ్జెట్ నేపథ్యంలో లాభ-నష్టాల మధ్య కదలాడి చివరకు 5 పాయింట్ల లాభంతో 77,505.96వద్ద ముగిసింది. నిఫ్టీ 26 పాయింట్లు క్షీణించి 23,482 వద్ద రోజును ముగించింది. టెక్ మహీంద్రా, అదానీ పోర్ట్స్ తదితర షేర్లు నష్టాలు చవిచూశాయి.
Similar News
News March 19, 2026
కొత్తగా మరో 5 రకాల వైకల్యాలకు ‘సదరం’
AP: కొత్తగా 5 రకాల వైకల్యాలకు సదరం సర్టిఫికెట్లు ఇవ్వనున్నట్లు మంత్రి సత్యకుమార్ తెలిపారు. యాసిడ్ దాడి బాధితులు, స్పీచ్ అండ్ లాంగ్వేజ్ డిజార్డర్, అభ్యాస వైకల్యం, ఆటిజం స్పెక్ట్రమ్ డిజార్డర్(ASD), బహుళ వైకల్యంను జాబితాలో చేర్చినట్లు చెప్పారు. ఇక సదరం సర్టిఫికెట్లు డిజిటల్ విధానంలోనే ఇవ్వాలని నిర్ణయించామన్నారు. ఈ నెల 25వ తేదీ స్లాట్ బుకింగ్, 30వ తేదీ నుంచి వైద్యపరీక్షలు ప్రారంభమవుతాయని వివరించారు.
News March 19, 2026
ఇలాంటి మొక్కజొన్న గింజలకు మంచి ధర
మొక్కజొన్నను నూర్పిడి చేసిన తర్వాత మార్కెట్లో మంచి ధర రావాలంటే తప్పనిసరిగా కొన్ని నాణ్యతా ప్రమాణాలను పాటించాల్సి ఉంటుంది. నూర్పిడి చేసిన గింజల్లో దుమ్ము, చెత్త, రాళ్లు, మట్టి పెళ్లలు 1 శాతం మించరాదు. గింజల్లో తేమ 14 శాతం కంటే ఎక్కువ ఉండకూడదు. విరిగిన విత్తనాలు 2 శాతానికి మించరాదు. పాడైపోయిన విత్తనాలు 6 శాతం లోపు ఉండాలి. ఇతర రంగు మొక్కజొన్న గింజలు 6 శాతం మించకుండా ఉండాలి.
News March 19, 2026
రైల్వేలో 11,127 ఉద్యోగాలకు నోటిఫికేషన్
రైల్వేలో 11,127 అసిస్టెంట్ లోకో పైలట్ ఉద్యోగాల భర్తీకి షార్ట్ నోటిఫికేషన్ వెలువడింది. మే 15 నుంచి జూన్ 14 వరకు దరఖాస్తు చేసుకోవచ్చు. టెన్త్, సంబంధిత విభాగంలో ITI/డిప్లొమా ఉత్తీర్ణత, 18-30 ఏళ్ల వయసున్న వారు అర్హులు. రిజర్వేషన్ను బట్టి ఏజ్లో సడలింపు ఉంటుంది. CBT 1, CBT 2, CBAT, డాక్యుమెంట్స్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక చేస్తారు. వెబ్సైట్: https://indianrailways.gov.in/