News July 27, 2024
యుద్ధాన్ని ఆపండి: నెతన్యాహుతో కమలా హారిస్
అమెరికా పర్యటనలో ఉన్న ఇజ్రాయెల్ ప్రధాని నెతన్యాహుతో US ఉపాధ్యక్షురాలు కమలా హారిస్ భేటీ అయ్యారు. గాజాలో యుద్ధాన్ని ముగించాలని ఈ సందర్భంగా ఆయనకు తేల్చిచెప్పినట్లు వెల్లడించారు. ‘యుద్ధాన్ని ముగించాల్సిన సమయం వచ్చింది. ఇజ్రాయెల్ భద్రతతో ఉండాలి. ఖైదీలందరూ విడుదల కావాలి. గాజాలో పాలస్తీనా ప్రజలకు స్వేచ్ఛ తిరిగిరావాలి. కాల్పుల విరమణ ఒప్పందాన్ని అంగీకరించమని నెతన్యాహుకు చెప్పాను’ అని హారిస్ పేర్కొన్నారు.
Similar News
News January 22, 2026
అడిషనల్ కలెక్టర్ ఆస్తులు రూ.వందల కోట్లు
TG: గతనెలలో రూ.60వేల లంచం తీసుకుంటూ దొరికిన హనుమకొండ అడిషనల్ కలెక్టర్ వెంకట్ రెడ్డి ఇంట్లో ACB ఇవాళ రైడ్స్ చేసింది. సోదాల్లో రూ.4.65Cr విలువైన విల్లా, ఒక ఫ్లాట్, 8 ఓపెన్ ప్లాట్లు, 14.5 ఎకరాల వ్యవసాయ భూమి పేపర్లను స్వాధీనం చేసుకుంది. వీటి విలువ రూ.వందల కోట్లలో ఉంటుందని అంచనా. రూ.30లక్షల నగదు, 297 గ్రా. బంగారం, రూ.44.04 లక్షల బ్యాంక్ బ్యాలెన్స్ గుర్తించింది. ప్రభుత్వం ఆయనను సస్పెండ్ చేసింది.
News January 22, 2026
భారత్ ఘన విజయం
న్యూజిలాండ్తో జరుగుతున్న 5 టీ20ల సిరీస్లో టీమ్ ఇండియా బోణీ కొట్టింది. తొలి మ్యాచ్లో 48 రన్స్ తేడాతో అద్భుత విజయం సాధించింది. 239 పరుగుల భారీ లక్ష్యాన్ని ఛేదించడంలో NZ తడబడింది. ఫిలిప్స్(78), చాప్మన్(39) మినహా ఎవరూ పెద్దగా రాణించలేదు. IND బౌలర్లలో చక్రవర్తి, దూబె చెరో 2, అక్షర్, అర్ష్దీప్, హార్దిక్ తలో వికెట్ తీసుకున్నారు. బ్యాటింగ్లో అభిషేక్(84), రింకూ సింగ్(44), సూర్యకుమార్(32) రాణించారు.
News January 22, 2026
చికిత్సకు డబ్బులు లేవని.. హృదయ విదారక ఘటన
TG: HYD కూకట్పల్లిలో హృదయ విదారక ఘటన జరిగింది. దివ్యాంగురాలైన కూతురు శ్రీజావలి(18) ట్రీట్మెంట్కు డబ్బులు లేవని తల్లిదండ్రులే గొంతునులిమి చంపేశారు. తర్వాత 2రోజులు శవాన్ని ఇంట్లోనే పెట్టుకున్నారు. ఇవాళ కొడుకు నితిల్తో కలిసి భార్యభర్తలు సతీశ్, ఆమని పురుగుమందు తాగి ఆత్మహత్యకు యత్నించారు. అది పనిచేయలేదని ముగ్గురూ చేతులు కోసుకున్నారు. బాధ భరించలేక నితిల్ తన ఫ్రెండ్కు ఫోన్ చేయడంతో విషయం బయటపడింది.