News November 12, 2024
నకిలీ మందులు అమ్మితే కఠిన చర్యలు: మంత్రి
TG: నాసిరకం, నకిలీ మెడిసిన్ తయారు చేసే వారితో పాటు అమ్మే వారిపై కఠిన చర్యలు తీసుకోవాలని DCA అధికారులను మంత్రి రాజనర్సింహ ఆదేశించారు. ఫార్మా ఇండస్ట్రీస్, డ్రగ్ మానుఫాక్చరింగ్ యూనిట్స్, మెడికల్ హాల్స్, ఫార్మసీలలో తనిఖీలు చేయాలని సూచించారు. ఫార్మా సంస్థలు ఉన్న చోట అదనంగా డ్రగ్ ఇన్స్పెక్టర్లను నియమించాలన్నారు. మెడిసిన్ ధరలు, నాణ్యత విషయంలో నిబంధనలు ఉల్లంఘించే ఆస్పత్రులపై చర్యలు తీసుకోవాలన్నారు.
Similar News
News February 9, 2026
రింకూ సింగ్ పెళ్లి మరోసారి వాయిదా
ఇండియా స్టార్ ఫినిషర్ రింకూ సింగ్, సమాజ్ వాదీ పార్టీ MP ప్రియా సరోజ్ పెళ్లి మరోసారి వాయిదా పడింది. ఈ నెలలోనే జరగాల్సి ఉండగా.. T20 WC, IPL నేపథ్యంలో ముహూర్తం జూన్కు మార్చినట్లు రింకూ సోదరుడు సోనూ వెల్లడించారు. కాశీలో వివాహ వేడుక జరగనున్నట్లు తెలిపారు. సన్నిహితులను మాత్రమే ఆహ్వానిస్తున్నట్లు పేర్కొన్నారు. గతేడాది జూన్ 8న వీరి ఎంగేజ్మెంట్ జరగ్గా.. తొలుత పెళ్లికి నవంబర్లో డేట్ ఫిక్స్ చేశారు.
News February 9, 2026
పనులన్నీ సకాలంలో పూర్తికావాలి: పవన్
AP: క్షేత్రస్థాయి నుంచి ఉన్నతస్థాయి అధికారి వరకు వారి బాధ్యతలను సక్రమంగా నిర్వర్తించాల్సిందేనని Dy.CM పవన్ స్పష్టం చేశారు. కలెక్టర్లతో కాన్ఫరెన్సులో మాట్లాడుతూ ‘మేం నాలుగు గోడల మధ్య కూర్చునే వ్యక్తులం కాదు. అంతా అద్భుతంగా ఉందని చెబుతున్నా కొన్ని చోట్ల గ్యాప్స్ ఉన్నాయి. పల్లె పండుగ, అడవితల్లి బాట సహా పలు పథకాలకు రూ.11,328 కోట్లు మంజూరు చేశాం. పనులన్నీ సకాలంలో పూర్తికావాలి’ అని సూచించారు.
News February 9, 2026
సచిన్లానే వైభవ్ను జట్టులోకి తీసుకోవాలి: శశిథరూర్
అద్భుతమైన ఆటతీరుతో వైభవ్ సూర్యవంశీ <<19067167>>సంచలనాలు<<>> సృష్టిస్తున్న విషయం తెలిసిందే. ఈ నేపథ్యంలో అతడిని సీనియర్ జట్టులోకి తీసుకోవాలని డిమాండ్లు వినిపిస్తున్నాయి. వైభవ్ మరింత త్వరగా ఉన్నత స్థాయికి చేరేందుకు అర్హుడని తాజాగా కాంగ్రెస్ నేత శశిథరూర్ ట్వీట్ చేశారు. ‘గతంలో 14 ఏళ్ల జీనియస్ను క్రీజులో చూశాం. అతడి పేరు సచిన్ టెండూల్కర్. అతడిని ఎక్కువ కాలం వేచి ఉండనివ్వలేదు’ అని పేర్కొన్నారు.