News March 16, 2024
RCBకి సూపర్ న్యూస్
టీమ్ఇండియా స్టార్ ప్లేయర్ విరాట్ కోహ్లీ రీఎంట్రీకి సిద్ధమయ్యారు. ఇటీవల కుమారుడు అకాయ్ జన్మించడంతో దాదాపు రెండు నెలలపాటు క్రికెట్‌కు దూరమైన అతడు రెండు మూడు రోజుల్లో ఆర్సీబీ జట్టులో చేరనున్నారు. ఈ నెల 22న CSKతో జరగనున్న మ్యాచ్‌కు ముందు బెంగళూరులో జరిగే RCB ప్రీ-టోర్నమెంట్ క్యాంప్‌లో కోహ్లీ పాల్గొంటారని Espncricinfo పేర్కొంది. త్వరలో టీ20 వరల్డ్ కప్ ఉన్న నేపథ్యంలో ఈ ఐపీఎల్ అతడికి కీలకంగా మారనుంది.
Similar News
News October 16, 2024
వాయుగుండంపై LATEST UPDATE
AP: బంగాళాఖాతంలో కొనసాగుతున్న వాయుగుండం వాయువ్య దిశగా 12KM వేగంతో కదులుతున్నట్లు రాష్ట్ర విపత్తు నిర్వహణ సంస్థ తెలిపింది. చెన్నైకి 360KM, పుదుచ్చేరికి 390KM, నెల్లూరుకు 450KM దూరంలో ఉన్నట్లు పేర్కొంది. ఇది రేపు తెల్లవారుజామున చెన్నైకి దగ్గరగా పుదుచ్చేరి, నెల్లూరు మధ్య తీరం దాటే అవకాశం ఉందని చెప్పింది. వాయుగుండం ప్రభావంతో దక్షిణ కోస్తా, రాయలసీమ జిల్లాల్లో ఎడతెరిపి లేకుండా వర్షాలు కురుస్తున్నాయి.
News October 16, 2024
INDvsNZ: తొలి రోజు ఆట అనుమానమే!
న్యూజిలాండ్, భారత్ మధ్య బెంగళూరు వేదికగా ఇవాళ తొలి టెస్టు ప్రారంభం కావాల్సి ఉంది. వర్షం కారణంగా టాస్ వాయిదా పడింది. కాసేపటి క్రితమే వాన ఆగిపోయినట్లు తెలుస్తోంది. మళ్లీ వర్షం మొదలైతే తొలి రోజు ఆట తుడిచిపెట్టుకుపోయే అవకాశం ఉంది. కాగా బంగాళాఖాతంలో అల్పపీడన ప్రభావంతో బెంగళూరులో నిన్నటి నుంచి వర్షాలు కురుస్తున్నాయి.
News October 16, 2024
మళ్లీ పెరిగిన బంగారం ధరలు
పెళ్లిళ్ల సీజన్ వేళ వినియోగదారులకు పసిడి ధరలు షాక్ ఇస్తున్నాయి. HYD బులియన్ మార్కెట్లో గోల్డ్ రేట్ రూ.78వేలకు చేరువైంది. నిన్న, మొన్నటి వరకు కాస్త తగ్గుముఖం పట్టిన బంగారం ధరలు ఇవాళ మళ్లీ పెరిగాయి. 24 క్యారెట్ల 10గ్రా. పసిడి రూ.490 పెరిగి రూ.77,890కి చేరింది. 22 క్యారెట్ల 10గ్రా. గోల్డ్ రూ.450 పెరిగి రూ.71,400గా నమోదైంది. అటు సిల్వర్ రేట్ రూ.100 తగ్గింది. ప్రస్తుతం కేజీ వెండి ధర రూ.96,800గా ఉంది.