News April 26, 2024

బరువు తగ్గించుకునేందుకు సర్జరీ.. యువకుడి మృతి

బరువు తగ్గించుకోవాలనుకున్న యువకుడు ఏకంగా ప్రాణాలే కోల్పోయాడు. పుదుచ్చేరికి చెందిన హేమచంద్రన్(26) బరువు తగ్గించుకునేందుకు చెన్నైలోని ఓ ప్రైవేట్ ఆసుపత్రిలో చేరాడు. అయితే చికిత్స ప్రారంభించిన 15 నిమిషాలకే అతనికి గుండెపోటు వచ్చినట్లు సమాచారం. దీంతో హేమచంద్రన్‌ మృతి చెందినట్లు వైద్యులు వెల్లడించారు. దీనిపై స్పందించిన తమిళనాడు వైద్యశాఖ 2 రోజుల్లో విచారణ జరిపి నివేదిక ఇవ్వాలని కమిటీని నియమించింది.