News April 25, 2024
చాహల్ను బతిమాలుకోండి: RCBకి ఊతప్ప సూచన
తిరిగి జట్టులోకి రావాలని స్టార్ స్పిన్నర్ యుజ్వేంద్ర చాహల్ను బతిమాలుకోవాలని భారత మాజీ క్రికెటర్ రాబిన్ ఊతప్ప RCBకి సూచించారు. ‘చాహల్తోపాటు హర్షల్ పటేల్ను కూడా వెనక్కిరావాలని కోరండి. శివమ్ దూబే, పడిక్కల్, మయాంక్ అగర్వాల్ లాంటి ఆటగాళ్లను జట్టులోకి తీసుకోండి. జట్టులో స్టార్ ప్లేయర్స్ ఉన్నా వరుస ఓటములు ఎదుర్కొంటున్నారు. ఇప్పటివరకు దాదాపు 25 మంది ఆటగాళ్లను ఆడించినా.. ఫలితం లేదు’ అని ఆయన అన్నారు.
Similar News
News January 18, 2025
దొంగతనం చేయలేదు: కరీనా కపూర్
సైఫ్ అలీఖాన్పై దాడి కేసులో ఆయన భార్య కరీనా కపూర్ స్టేట్మెంట్ను ముంబై పోలీసులు నమోదు చేశారు. దుండగుడు సైఫ్ను చాలా సార్లు పొడిచాడని ఆమె తెలిపారు. తమ కుమారుడు జహంగీర్ వద్దకు వెళ్లేందుకు పదే పదే ప్రయత్నించాడని, సైఫ్ అడ్డుకున్నారని పేర్కొన్నారు. కానీ ఇంట్లో ఎలాంటి డబ్బులు, ఆభరణాలు దొంగతనం చేయలేదని పోలీసులకు వెల్లడించారు. మరోవైపు నిందితుడి కోసం పోలీసులు గాలిస్తున్నారు.
News January 18, 2025
డయాఫ్రమ్ వాల్ నిర్మాణ పనులు ప్రారంభం
AP: పోలవరం ప్రాజెక్టులో డయాఫ్రమ్ వాల్ నిర్మాణం ప్రారంభమైంది. ప్రాజెక్టు సీఈ, అధికారులు భూమిపూజ, హోమం నిర్వహించారు. అనంతరం వాల్ కాంక్రీట్ నిర్మాణ పనులు ప్రారంభించారు. డయాఫ్రమ్ వాల్ నిర్మాణానికి ప్రభుత్వం రూ.990 కోట్లు ఖర్చు చేయనుంది. సగం నిర్మాణం పూర్తి కాగానే దానిపై సమాంతరంగా ఎర్త్ కమ్ రాక్ ఫిల్ డ్యామ్ నిర్మించనున్నారు.
News January 18, 2025
‘సంక్రాంతికి వస్తున్నాం’ కలెక్షన్ల సునామీ
బాక్సాఫీస్ వద్ద ‘సంక్రాంతికి వస్తున్నాం’ సినిమా భారీ కలెక్షన్ల రాబడుతోంది. ఈ నెల 14న మూవీ విడుదల కాగా 4 రోజుల్లో రూ.131 కోట్లకు పైగా గ్రాస్ కలెక్షన్లు వచ్చినట్లు చిత్ర నిర్మాణ సంస్థ ప్రకటించింది. ఇవాళ, రేపు వీకెండ్స్ కావడంతో వసూళ్లు మరింత పెరిగే అవకాశం ఉంది.