News June 28, 2024
సూర్య ‘కర్ణ’ సినిమా రద్దు!
తమిళ స్టార్ హీరో సూర్య, డైరెక్టర్ రాకేశ్ ఓం ప్రకాశ్ మెహ్రా కాంబోలో రావాల్సిన ‘కర్ణ’ సినిమా రద్దు అయినట్లు సినీవర్గాలు తెలిపాయి. ఈ విషయాన్ని ప్రొడక్షన్ హౌస్ టీమ్‌కు తెలియజేసినట్లు వెల్లడించాయి. జాన్వీ కపూర్‌ను హీరోయిన్‌గా ఎంపిక చేసిన ఈ మూవీలో నటీనటుల లుక్ టెస్ట్, ప్రీ ప్రొడక్షన్ కోసం మేకర్స్ రూ.15 కోట్లు ఖర్చు చేసినట్లు సమాచారం. అయితే, ఎందుకు రద్దు చేశారనేది మేకర్స్ ఇంకా ప్రకటించలేదు.
Similar News
News October 7, 2024
RRBలో 7951 జూనియర్ ఇంజినీర్ ఉద్యోగాలు.. పరీక్ష తేదీల ప్రకటన
రైల్వే రిక్రూట్‌మెంట్ బోర్డ్ (RRB) జూనియర్ ఇంజినీర్ పోస్టుల పరీక్ష తేదీలను ప్రకటించింది. డిసెంబర్ 6 నుంచి 13 వరకు కంప్యూటర్ బేస్డ్ విధానంలో ఎగ్జామ్స్ ఉంటాయని తెలిపింది. దీని ద్వారా RRB మొత్తం 7951 ఉద్యోగాలను భర్తీ చేయనుంది. ఇక అసిస్టెంట్ లోకో పైలట్ పరీక్షలు నవంబర్ 25-29 వరకు, RPF ఎస్సై ఎగ్జామ్స్ డిసెంబర్ 2-5 వరకు, టెక్నీషియన్ ఎగ్జామ్స్ డిసెంబర్ 16-26 వరకు ఉంటాయని వివరించింది.
News October 7, 2024
ఆ కుర్చీలో కూర్చుంటే మరణశాసనం రాసుకున్నట్టేనా!
హెజ్బొల్లా చీఫ్ హ‌స‌న్ న‌స్ర‌ల్లాను ఇజ్రాయెల్ హతమార్చడంతో ఆయ‌న వార‌స‌త్వాన్ని స్వీక‌రించ‌డానికి కీల‌క నేత‌లు జంకుతున్నారు. ఆ కుర్చీలో కూర్చోవ‌డ‌మంటే మ‌ర‌ణ‌శాస‌నాన్ని రాసుకున్న‌ట్టే అనే భావ‌న‌లో ఉన్నారు. ఈ కార‌ణంతో ఇరాన్ మ‌ద్ద‌తుగల ఈ సంస్థ ప‌గ్గాలు చేప‌ట్ట‌డానికి కీల‌క నేత ఇబ్ర‌హీం అమీన్ నిరాక‌రించారు. ప్రస్తుత యుద్ధ పరిస్థితుల్లో ఈ బాధ్య‌త‌లు ప్రమాదకరమని హెజ్బొల్లా నేతలకు అవగతమైనట్టు తెలుస్తోంది.
News October 7, 2024
టెన్త్ అర్హతతో 39,481 ఉద్యోగాలు.. అప్లై చేసుకోండి
స్టాఫ్ సెలక్షన్ కమిషన్ (SSC) కానిస్టేబుల్ (జనరల్ డ్యూటీ) పోస్టులకు దరఖాస్తు గడువు సమీపిస్తోంది. మొత్తం 39,481 పోస్టులకు అక్టోబర్ 14 వరకు దరఖాస్తు చేసుకోవచ్చు. వయసు 18-23 ఏళ్ల మధ్య ఉండాలి. విద్యార్హత: టెన్త్ పాస్ అయి ఉండాలి. పురుషులకు 35612, మహిళలకు 3869 పోస్టులు ఉన్నాయి. BSF, CISF, CRPF, SSB, ITBP, SSF, ARలో ఉద్యోగాలు భర్తీ చేస్తారు. దరఖాస్తు చేసుకోవాల్సిన సైట్: https://ssc.nic.in/