News August 19, 2024

టీచర్లు విద్యార్థులను సొంత పిల్లల్లా చూసుకోవాలి: మంత్రి డోలా

AP: వెనుకబడిన వర్గాలకు విద్య, వైద్యం అందించడంలో సాంఘిక సంక్షేమ శాఖ కీలకమని మంత్రి డోలా వీరాంజనేయస్వామి చెప్పారు. ANU వర్క్‌షాప్‌లో ఆయన మాట్లాడారు. టీచర్లు విద్యార్థులను సొంత పిల్లల్లా చూసుకోవాలని, నిరంతరం పర్యవేక్షించాలని సూచించారు. ప్రతి హాస్టల్‌లో అంబేడ్కర్, జగ్జీవన్ ఫొటోలు ఉంచి, వారి స్ఫూర్తిని విద్యార్థులకు వివరించాలన్నారు. త్వరలోనే అంబేడ్కర్ ఓవర్సీస్ విద్యను పునరుద్ధరిస్తామని తెలిపారు.