News January 31, 2025
ఫిబ్రవరి 15న దుబాయ్‌కు టీమ్ ఇండియా
ఛాంపియన్స్ ట్రోఫీ 2025 కోసం టీమ్ ఇండియా వచ్చే నెల 15న దుబాయ్ పయనం కానున్నట్లు తెలుస్తోంది. ఆ తర్వాత బంగ్లాదేశ్ లేదా యూఏఈతో వార్మప్ మ్యాచ్ ఆడుతుందని సమాచారం. ఫిబ్రవరి 20న బంగ్లాదేశ్‌తో తన తొలి మ్యాచ్ ఆడనుంది. 23న చిరకాల ప్రత్యర్ధి పాకిస్థాన్‌తో తలపడనుంది. భారత్ ఆడే మ్యాచులన్నీ దుబాయ్‌లో జరగనున్నాయి. ఫిబ్రవరి 19 నుంచి మెగా టోర్నీ ప్రారంభం కానుంది.
Similar News
News January 31, 2025
క్రికెట్‌కు అఫ్గాన్ ప్లేయర్ గుడ్ బై
అఫ్గానిస్థాన్ లెఫ్టార్మ్ పేసర్ షాపూర్ జద్రాన్ అంతర్జాతీయ క్రికెట్‌కు వీడ్కోలు పలుకుతున్నట్లు తెలిపారు. అన్ని ఫార్మాట్ల నుంచి తప్పుకుంటున్నట్లు ఆయన ప్రకటించారు. కాగా అఫ్గాన్ తరఫున జద్రాన్ 44 వన్డేలు ఆడి 43 వికెట్లు, 36 టీ20లు ఆడి 37 వికెట్లు పడగొట్టారు. 2009లో నెదర్లాండ్స్‌పై తన అంతర్జాతీయ అరంగేట్రం చేశారు. 37 ఏళ్ల జద్రాన్ 2020లో ఐర్లాండ్‌పై తన చివరి మ్యాచ్ ఆడేశారు.
News January 31, 2025
అకౌంట్లలోకి రూ.2 వేలు.. నేడే లాస్ట్
వచ్చే నెలలో పీఎం కిసాన్ 19వ విడత నిధులు విడుదలయ్యే అవకాశం ఉంది. ఈ పథకానికి రిజిస్టర్ కాని వారు రిజిస్టర్ చేసుకోవడానికి, లబ్ధిదారులు ఈకేవైసీ పూర్తి చేయడానికి ఇవాళే చివరి తేది. pmkisan.gov.in సైట్‌లో సులభంగా ఈ-కేవైసీ చేసుకోవచ్చు. సైట్ ఓపెన్ చేశాక కుడి వైపున ఉండే e-KYCపై క్లిక్ చేసి వివరాలు నమోదు చేసుకోవాలి. అలాగే కొత్తగా రిజిస్ట్రేషన్ చేసుకునేవారు upfr.agristack.gov సైట్‌లో దరఖాస్తు చేసుకోవచ్చు.
News January 31, 2025
IND vs ENG: సిరీస్ చేజిక్కించుకుంటారా?
భారత్-ఇంగ్లండ్ మధ్య ఇవాళ నాలుగో టీ20 మ్యాచ్ జరగనుంది. పుణే వేదికగా ఈ మ్యాచ్ సాయంత్రం 7 గంటలకు ప్రారంభం కానుంది. ఇవాళ గెలిచి మరో మ్యాచ్ మిగిలుండగానే సిరీస్ చేజిక్కించుకోవాలని భారత్ ఉవ్విళ్లూరుతోంది. ఈ మ్యాచ్‌కు అన్ని విధాలా సిద్ధమైనట్లు కెప్టెన్ సూర్య తెలిపారు. ప్రస్తుతం మన జట్టు అన్ని విభాగాల్లో పటిష్ఠంగానే కనిపిస్తోంది. మరోవైపు ఇంగ్లండ్ కూడా గత మ్యాచులో గెలిచి ఆత్మవిశ్వాసంతో బరిలోకి దిగుతోంది.