News November 29, 2024
సోయాబీన్ కొనుగోళ్లలో తొలి స్థానంలో తెలంగాణ
సోయాబీన్ కొనుగోళ్లలో ఇతర రాష్ట్రాలతో పోలిస్తే తెలంగాణ మొదటి స్థానంలో ఉందని మార్క్‌ఫెడ్ ఎండీ శ్రీనివాస్ రెడ్డి తెలిపారు. తెలంగాణకు ఇచ్చిన నిర్ణీత లక్ష్యంలో 74 శాతం పూర్తయినట్లు చెప్పారు. మధ్యప్రదేశ్, మహారాష్ట్ర, రాజస్థాన్, కర్ణాటక, గుజరాత్ రాష్ట్రాలు 1-2 శాతమే కొనుగోళ్లు చేశాయని పేర్కొన్నారు. కనీస మద్దతు ధరకు 59,708 టన్నులు కొనుగోలు లక్ష్యం కాగా 43,755 టన్నులు కొనుగోలు చేసినట్లు ప్రకటనలో తెలిపారు.
Similar News
News December 5, 2024
తొక్కిసలాటలో మహిళ మృతి.. స్పందించిన ‘పుష్ప-2’ టీమ్
సంధ్య థియేటర్ వద్ద జరిగిన తొక్కిసలాటలో <<14796361>>రేవతి (39) మరణించడం<<>>, ఆమె కుమారుడు శ్రీతేజ తీవ్ర అస్వస్థతకు గురవడంపై మైత్రీ మూవీ మేకర్స్, అల్లు అర్జున్ టీమ్ స్పందించాయి. ఇది దురదృష్టకరమైన ఘటన అని, ఆ కుటుంబాన్ని కలిసి అవసరమైన సహాయాన్ని అందజేస్తామని ప్రకటించాయి. బన్నీ వాస్ బాలుడిని పరామర్శించి, చికిత్సకు అవసరమైన ఆర్థిక సాయం అందజేస్తారని హామీ ఇచ్చినట్లు పేర్కొన్నాయి.
News December 5, 2024
పెళ్లి తర్వాత శోభిత తొలి పోస్ట్
అక్కినేని హీరో నాగచైతన్యతో వివాహం తర్వాత హీరోయిన్ శోభిత తొలి పోస్ట్ చేశారు. చైతూతో ఉన్న ఫొటోను ఇన్‌స్టాలో షేర్ చేస్తూ ‘పెళ్లి ఫొటో’ అని క్యాప్షన్ ఇచ్చారు. కాగా నిన్న వీరిద్దరి వివాహం అన్నపూర్ణ స్టూడియోలో కొద్ది మంది సన్నిహితుల సమక్షంలో వైభవంగా జరిగిన సంగతి తెలిసిందే.
News December 5, 2024
ఆన్‌లైన్‌లో మెడిసిన్స్ స‌ర‌ఫ‌రాపై ఆందోళ‌న‌లు
మెడిసిన్స్‌ను 10 Minలో వినియోగ‌దారుల‌కు డెలివ‌రీ చేస్తున్న సంస్థ‌ల తీరుపై ఆందోళ‌న‌లు వ్య‌క్త‌మ‌వుతున్నాయి. మందుల స‌ర‌ఫ‌రాలో ఉన్న నిర్దిష్ట ప్రోటోకాల్‌కు ఇది విరుద్ధ‌మ‌ని చెబుతున్నారు. ప్రిస్క్రిప్ష‌న్ వెరిఫికేష‌న్, పేషెంట్ ఐడెంటిఫికేష‌న్‌ లేకుండానే మెడిసిన్స్ డెలివ‌రీ హానిక‌ర‌మ‌ని హెచ్చ‌రిస్తున్నారు. కాలంచెల్లిన, న‌కిలీ మందుల స‌ర‌ఫ‌రాకు ఆస్కారం ఉండడంతో దీన్ని అడ్డుకోవాలని కేంద్రాన్ని కోరుతున్నారు.