News May 10, 2024
ధోనీ అందుకే లోయర్ ఆర్డర్‌లో బ్యాటింగ్‌ చేస్తున్నారు: ఫ్లెమింగ్
CSK మాజీ కెప్టెన్ ధోనీకి కొత్త గాయమేమీ కాలేదని కోచ్ ఫ్లెమింగ్ తెలిపారు. ‘IPL-2024 సీజన్ ముందు నుంచే ధోనీ కండరాల గాయంతో బాధపడుతున్నారు. అందుకే వర్క్‌లోడ్ తగ్గించేందుకు లోయర్ ఆర్డర్‌లో బ్యాటింగ్‌కి పంపిస్తున్నాం. ఆయన ఫీల్డ్‌లో ఉంటే కొత్త కెప్టెన్‌కు విలువైన సలహాలు ఇస్తారు. అది మాకు చాలా ముఖ్యం. అందుకే రిస్క్ తీసుకోవట్లేదు’ అని చెప్పారు. గతేడాది ధోనీకి మోకాలి సర్జరీ జరిగిన విషయాన్ని గుర్తుచేశారు.
Similar News
News February 18, 2025
బీజేపీతో గుజరాత్ బంధం విడదీయరానిది: PM
గుజరాత్ మున్సిపల్ ఎన్నికల్లో బీజేపీ ఘన విజయం సాధించడం పట్ల PM మోదీ హర్షం వ్యక్తం చేశారు. బీజేపీతో గుజరాత్ బంధం విడదీయరానిదని, ఇది మరింత బలపడుతోందని తెలిపారు. అభివృద్ధి రాజకీయాలకు ఇది పెద్ద విజయం అని అభివర్ణించారు. GJలో 1912 వార్డులకు గాను బీజేపీ 1402, కాంగ్రెస్ 260, ఎస్పీ, ఆప్ కలిసి 236 వార్డులు గెలుచుకున్నాయి. 68 మున్సిపాలిటీల్లో బీజేపీ 57, కాంగ్రెస్ 1, ఎస్పీ 2, ఇతరులు 3 చోట్ల విజయం సాధించాయి.
News February 18, 2025
ఎల్లుండి ఢిల్లీకి సీఎం చంద్రబాబు
AP: సీఎం చంద్రబాబు ఎల్లుండి ఢిల్లీ పర్యటనకు వెళ్లనున్నారు. ఢిల్లీ సీఎం ప్రమాణ స్వీకరణ కార్యక్రమానికి ఆయన హాజరుకానున్నారు. ఈ నేపథ్యంలో ఎల్లుండి జరగాల్సిన ఏపీ క్యాబినెట్ భేటి వాయిదా పడింది.
News February 18, 2025
PHOTO OF THE DAY
ఏపీ డిప్యూటీ సీఎం పవన్ కళ్యాణ్ తన భార్య అన్నా లెజ్నోవా, కుమారుడు అకీరా నందన్, దర్శకుడు త్రివిక్రమ్‌తో కలిసి మహాకుంభమేళాలోని త్రివేణి సంగమంలో పవిత్ర స్నానం ఆచరించిన సంగతి తెలిసిందే. ఈ సందర్భంగా గంగా దేవికి పవన్ దంపతులు హారతులు ఇచ్చారు. దీనికి సంబంధించిన ఫొటోలు సోషల్ మీడియాలో వైరలవుతున్నాయి. వీరంతా కలిసి ఉన్న ఫొటోను షేర్ చేస్తూ PHOTO OF DAY ఇదేనంటూ ఫ్యాన్స్ కామెంట్లు చేస్తున్నారు.