News November 19, 2024
బంతి తగిలి అంపైర్‌కు తీవ్రగాయాలు
ఆస్ట్రేలియాలో జరిగిన ఓ థర్డ్ గ్రేడ్ మ్యాచ్‌లో బంతి తగిలి అంపైర్‌కు తీవ్ర గాయాలయ్యాయి. పెర్త్‌లో జరిగిన ఆ మ్యాచ్‌లో బ్యాటర్ స్ట్రైట్ డ్రైవ్ కొట్టడంతో బంతి నేరుగా అంపైర్ టోనీ డీనోబ్రెగా ముఖానికి తగిలింది. కన్ను, పెదవులతోపాటు చెంప కూడా వాచిపోయింది. ఆయన కన్ను పూర్తిగా మూసుకుపోయింది. ప్రస్తుతం టోనీ ఆస్పత్రిలో చికిత్స తీసుకుంటున్నారు. ఇందుకు సంబంధించిన ఫొటోలు సోషల్ మీడియాలో వైరల్‌గా మారాయి.
Similar News
News December 9, 2024
పీహెచ్‌డీ చేస్తున్న వెంకటేశ్ అయ్యర్
స్టార్ ఆల్‌రౌండర్ వెంకటేశ్ అయ్యర్ క్రికెట్‌తో పాటు చదువుపైనా ఫోకస్ పెట్టారు. ప్రస్తుతం ఫైనాన్స్‌లో పీహెచ్‌డీ చేస్తున్నట్లు ఆయన ఓ ఇంటర్వ్యూలో వెల్లడించారు. ‘60 ఏళ్ల వరకు క్రికెటర్ ఆడలేడు. చనిపోయే వరకు విద్య మనతోనే ఉంటుంది. మంచిగా చదువుకుంటే ఫీల్డ్‌లోనూ మంచి నిర్ణయాలు తీసుకునేందుకు నాకు దోహదపడుతుంది. అందుకే పీహెచ్‌డీ చేస్తున్నా’ అని పేర్కొన్నారు. KKR ఇతడిని రూ.23.75 కోట్లకు కొనుగోలు చేసింది.
News December 9, 2024
తెలంగాణ అసెంబ్లీ ఈనెల 16 వరకు వాయిదా
తెలంగాణ అసెంబ్లీ సమావేశాలు ఈనెల 16కు వాయిదా పడ్డాయి. శాసన మండలిని కూడా 16వ తేదీ వరకు వాయిదా వేశారు. బిజినెస్ అడ్వైజరీ కమిటీ భేటీలో అసెంబ్లీ సమావేశాల తదుపరి కార్యకలాపాలపై నిర్ణయం తీసుకోనున్నారు.
News December 9, 2024
విచిత్రం.. ఇక్కడ పడమరన సూర్యుడు ఉదయిస్తాడు!
సూర్యుడు తూర్పున ఉదయించడం, పడమరన అస్తమించడం కామన్. అయితే, పడమరన ఉన్న పసిఫిక్ సముద్రంలో సూర్యుడు ఉదయించి తూర్పున ఉన్న అట్లాంటిక్ సముద్రంలో అస్తమించడం మీరెప్పుడైనా చూశారా? ఇలా చూడగలిగే ఏకైక ప్రదేశం పనామా. ఇది సెంట్రల్ అమెరికాలోని ఓ దేశం. ఇక్కడి ఎత్తైన ప్రదేశం వోల్కానో బారుపై నుంచి చూస్తే ఈ అద్భుతమైన దృశ్యాన్ని చూడొచ్చు.