News August 9, 2024
ఫొగట్ అభ్యర్థనపై స్పందించిన కోర్టు
పారిస్ ఒలింపిక్స్ రెజ్లింగ్‌లో ఫైనల్ చేరిన తనకు సిల్వర్ మెడల్ ఇచ్చే అంశాన్ని పరిశీలించాలని భారత మహిళా రెజ్లర్ వినేశ్ ఫొగట్ చేసిన అభ్యర్థనపై CAS(కోర్ట్ ఆఫ్ ఆర్బిట్రేషన్ ఫర్ స్పోర్ట్) స్పందించింది. ఈ ఒలింపిక్ క్రీడలు ముగిసేలోపు నిర్ణయం తీసుకోవాలని భావిస్తున్నట్లు ప్రకటన విడుదల చేసింది. కాగా 100గ్రాముల అధిక బరువు వల్ల ఫైనల్స్‌లో పాల్గొనకుండా ఆమెపై అనర్హత వేటు పడిన విషయం తెలిసిందే. <<-se>>#Olympics2024<<>>
Similar News
News January 18, 2025
వచ్చే నెలలో స్థానిక సంస్థల ఎన్నికలు?
TG: ఫిబ్రవరి చివర్లో స్థానిక సంస్థల ఎన్నికలు నిర్వహించాలని ప్రభుత్వం యోచిస్తున్నట్లు తెలుస్తోంది. ఈనెల 26 నుంచి పలు పథకాల అమలు పూర్తైన వెంటనే ఎన్నికలు నిర్వహించాలని స్థానిక నేతలు ప్రభుత్వాన్ని కోరుతున్నట్లు సమాచారం. అయితే ఎలక్షన్ కోడ్ లోపు పథకాల అమలు పూర్తి కాకపోతే అది ఎన్నికల్లో ప్రతికూల ప్రభావం చూపే ఛాన్సుంది. ఒకవేళ ప్రభుత్వం ఈ కోణంలో ఆలోచిస్తే ఏప్రిల్/మేలో ఎన్నికలు ఉండొచ్చనే టాక్ వినిపిస్తోంది.
News January 18, 2025
గడ్డకట్టే చలి.. ఇండోర్‌లోనే ట్రంప్ ప్రమాణం
ఈ నెల 20న అమెరికా అధ్యక్షుడిగా డొనాల్డ్ ట్రంప్ ప్రమాణస్వీకారోత్సవం ఇండోర్‌లో జరగనుంది. వాషింగ్టన్ డీసీలో విపరీతమైన చలి ఉండటంతో క్యాపిటోల్ భవనంలో ప్రమాణం చేయనున్నట్లు ట్రంప్ వెల్లడించారు. ఈ కనిష్ఠ ఉష్ణోగ్రతల్లో అతిథులను ఇబ్బంది పెట్టడం తనకు ఇష్టం లేదని చెప్పారు. కాగా అర్కిటిక్ బ్లాస్ట్ వల్ల వాషింగ్టన్ డీసీలో 20న -12 డిగ్రీల కనిష్ఠ ఉష్ణోగ్రతలు నమోదయ్యే అవకాశం ఉందని వాతావరణశాఖ తెలిపింది.
News January 18, 2025
టీమ్ ఇండియాకు గుడ్ న్యూస్?
భారత స్పీడ్ స్టార్ జస్ప్రీత్ బుమ్రా ఛాంపియన్స్ ట్రోఫీకి అందుబాటులో ఉంటారని తెలుస్తోంది. ఇటీవల గాయం కారణంగా CTకి దూరమవుతున్నారనే ప్రచారాన్ని ఆయన ఖండించిన సంగతి తెలిసిందే. మరోవైపు ఇంగ్లండ్‌తో సిరీస్‌కు మేనేజ్మెంట్ ఆయనకు విశ్రాంతి కల్పించింది. దీంతో ఇవాళ ప్రెస్ మీట్‌లో బుమ్రా ఆడే విషయమై రోహిత్ ఎలాంటి ప్రకటన చేస్తారని అభిమానుల్లో ఉత్కంఠ నెలకొంది.