News August 25, 2024
ఈ కూల్చివేతలు భవిష్యత్ కోసం: రేవంత్
TG: ప్రకృతి సంపదను విధ్వంసం చేస్తే అది ప్రజలపై ప్రకోపిస్తుందని సీఎం రేవంత్ చెప్పారు. ‘చెన్నై, వయనాడ్లో ప్రకృతి ప్రకోపం కళ్లారా చూశాం. ఈ కూల్చివేతలకు రాజకీయాలకు సంబంధం లేదు. భవిష్యత్ తరాలకు సరస్సులు, నదులు, చెరువులను అందించాలనేది లక్ష్యం. కొందరు శ్రీమంతులు చెరువుల్లో ఫాంహౌస్లు నిర్మించారు. వాటి డ్రైనేజీలను గండిపేటలో కలిపారు. వాళ్ల విలాసం కోసం వ్యర్థాలు చెరువులో కలుపుతారా?’ అని ఆయన ప్రశ్నించారు.
Similar News
News September 11, 2024
తల్లి కాబోతున్న టాలీవుడ్ హీరోయిన్
టాలీవుడ్ హీరోయిన్ చిత్రా శుక్లా తల్లి కాబోతున్నారు. ఆమె సీమంతం వేడుకలు ఘనంగా జరిగాయి. ఇందుకు సంబంధించిన ఫొటోలు సోషల్ మీడియాలో వైరల్గా మారాయి. ఈ పిక్స్ చూసిన అభిమానులు అభినందనలు తెలుపుతున్నారు. కాగా హంట్, పులి, నేను శైలజ, సిల్లీ ఫెలోస్, రంగులరాట్నం, అహో విక్రమార్క చిత్రాల్లో ఆమె నటించారు. గతేడాది ఫారెస్ట్ డిపార్ట్మెంట్లో పోలీస్ ఆఫీసర్ వైభవ్ ఉపాధ్యాయ్ను చిత్రా వివాహం చేసుకున్నారు.
News September 11, 2024
Stock Market: మార్కెట్లను డ్రైవ్ చేస్తున్న US CPI డేటా
దేశీయ స్టాక్ మార్కెట్ సూచీలు ఫ్లాట్గా మొదలయ్యాయి. ఎన్ఎస్ఈ నిఫ్టీ 18 పాయింట్లు పెరిగి 25,059, బీఎస్ఈ సెన్సెక్స్ 73 పాయింట్లు ఎగిసి 81,999 వద్ద ట్రేడవుతున్నాయి. బజాజ్ ఆటో, డాక్టర్ రెడ్డీస్ టాప్ గెయినర్స్. టాటా మోటార్స్, ఓఎన్జీసీ టాప్ లూజర్స్. నేడు యూఎస్ సీపీఐ డేటా రావాల్సి ఉండటం, అధ్యక్ష అభ్యర్థులు డొనాల్డ్ ట్రంప్, కమలా హారిస్ బిగ్ డిబేట్ నేపథ్యంలో మదుపరులు అప్రమత్తంగా వ్యవహరిస్తున్నారు.
News September 11, 2024
సీఎం రేవంత్కు రూ.కోటి విరాళం అందజేసిన పవన్
TG: వరద బాధితులకు అండగా నిలిచేందుకు ఏపీ డిప్యూటీ సీఎం పవన్ కళ్యాణ్ తన వంతుగా ప్రకటించిన రూ.కోటి విరాళాన్ని సీఎం రేవంత్ రెడ్డికి అందజేశారు. ఈ మేరకు రేవంత్తో సమావేశమై చెక్కు ఇచ్చారు. ఏపీలోనూ వరద బాధితుల సహాయార్థం తన వంతు సాయంగా రూ.5 కోట్ల విరాళం ప్రకటించిన సంగతి తెలిసిందే.