News May 19, 2024
ఎమ్మెల్సీ ఉపఎన్నికలో ఆలోచించి ఓటు వేయండి: కేటీఆర్
TG: ఎమ్మెల్సీ ఉపఎన్నికలో పట్టభద్రులు ఆలోచించి ఓటు వేయాలని బీఆర్ఎస్ మాజీ మంత్రి కేటీఆర్ కోరారు. వరంగల్-ఖమ్మం-నల్గొండ పట్టభద్రుల ఉపఎన్నికలో బీఆర్ఎస్ అభ్యర్థి రాకేశ్ రెడ్డిని గెలిపించాలని విజ్ఞప్తి చేశారు. భువనగిరిలో నిర్వహించిన సమావేశంలో ఆయన మాట్లాడారు. చేసిన పనిని చెప్పుకోకపోవడమే అసెంబ్లీ ఎన్నికల్లో తమ ఓటమికి కారణమని పేర్కొన్నారు. ఈ నెల 27న ఎమ్మెల్సీ స్థానానికి ఉపఎన్నిక జరగనుంది.
Similar News
News December 4, 2024
అత్యంత చెత్త ఎయిర్‌లైన్స్‌లో భారత సంస్థ!
ప్రపంచ ఎయిర్‌లైన్స్‌లో ఈ ఏడాది అత్యుత్తమైనవి, చెత్తవాటితో కూడిన జాబితాను ఎయిర్‌హెల్ప్ సంస్థ రూపొందించింది. సమయపాలన, ప్రయాణికుల సంతృప్తి తదితర అంశాల ఆధారంగా ర్యాంకింగ్స్‌ను ప్రకటించింది. అత్యంత చెత్త ఎయిర్‌లైన్‌గా 109వ స్థానంలో టునీస్‌ఎయిర్ నిలవగా 103వ స్థానంలో భారత ఎయిర్‌లైన్స్ సంస్థ ఇండిగో ఉంది. అత్యుత్తమ ఎయిర్‌లైన్‌గా బ్రస్సెల్స్ ఎయిర్‌లైన్స్, ఖతర్ ఎయిర్‌వేస్ తొలి 2 స్థానాలు దక్కించుకున్నాయి.
News December 4, 2024
KCRకు రేవంత్ రెడ్డి సవాల్
KCR రూ.1.02 లక్షల కోట్లతో నిర్మించిన కాళేశ్వరం ప్రాజెక్టు కూలిపోయిందని సీఎం రేవంత్ విమర్శించారు. ‘మేం కట్టిన శ్రీశైలం, నాగార్జునసాగర్, శ్రీరాంసాగర్, ఎల్లంపల్లి ప్రాజెక్టులు 60 ఏళ్లు ఎలా ఉన్నాయో, నువ్వు కట్టిన కాళేశ్వరం ఎలా ఉందో చూడ్డానికి రా. లెక్కలు తేలుద్దాం’ అని సవాల్ విసిరారు. కాళేశ్వరం నుంచి చుక్కనీళ్లు లేకపోయినా రికార్డు స్థాయిలో కోటి మెట్రిక్ టన్నుల వరి ధాన్యం పండిందని సీఎం తెలిపారు.
News December 4, 2024
ఆ రోజు సెలవు ఇవ్వాలని వినతి
TG: బంజారాల ఆరాధ్య దైవం సంత్ సేవాలాల్ జయంతి సందర్భంగా ఫిబ్రవరి 15న జాతీయ సెలవు దినంగా ప్రకటించాలని బీజేపీ గిరిజన మోర్చా రాష్ట్ర కమిటీ కోరింది. ఈమేరకు ఆ పార్టీ జాతీయ నేత బీఎల్ సంతోష్‌ను కలిసి వినతిపత్రం అందజేసింది. అటు రాష్ట్ర కాంగ్రెస్ గిరిజన నేతలు కూడా కేంద్రాన్ని ఇదే విషయమై డిమాండ్ చేశారు. కాగా గతేడాది ఫిబ్రవరి 15న రాష్ట్ర ప్రభుత్వం ఆప్షనల్ హాలీడే ఇచ్చిన విషయం తెలిసిందే.